Bókari

Viltu starfa með öflugu teymi starfsfólks sem sinnir lykilverkefnum í fjármálum og bókhaldi? Við leitum að vandvirkum og lausnamiðuðum bókara sem hefur áhuga á að vinna í fjölbreyttu og faglegu umhverfi, þar sem nákvæmni og samvinna skipta máli. Bókari ber ábyrgð á bókun reikninga og afstemmingarvinnu efnahagsliða hjá Isavia ohf. og dótturfélögum.

Helstu verkefni

• Móttaka og skráning reikninga
• Almennar bókhaldsfærslur
• Afstemmingarvinna
• Ýmis tilfallandi bókhaldsverkefni

Menntunar- og hæfniskröfur

• Reynsla af bókhaldi skilyrði
• Þekking á BC bókhaldskerfi er kostur
• Samstarfshæfni og jákvætt hugarfar
• Frumkvæði og umbótahugsun
• Góð þekking á að nýta tæknilausnir til að bæta verkferla

Starfsstöð er á Keflavíkurflugvelli.

Isavia er vinnustaður þar sem við sýnum hvert öðru virðingu og erum heiðarleg gagnvart sjálfum okkur og öðrum. Við gætum þess að viðhalda gleðinni, erum hugrökk, uppbyggileg og tökum ábyrgð á eigin frammistöðu. Saman náum við árangri.

Við bjóðum upp á hollan og góðan mat í mötuneytum okkar, farsímaáskrift og allt starfsfólk hefur aðgang að heilsu- og líkamsræktarstöðvum sér að kostnaðarlausu.

Frekari upplýsingar um starfið veitir Helga Erla Albertsdóttir, í gegnum netfang [email protected].

Umsóknum skal fylgja ferilskrá ásamt kynningarbréfi með rökstuðningi um hæfni viðkomandi í starfið.

Við hvetjum áhugasama aðila, óháð kyni og uppruna, að sækja um.