Laus störf Hæfnileit Vinnustaðir Námskeið

Hnit Artelia

Hnit Artelia er staðsett á Háaleitisbraut 58-60 í Reykjavík. Hjá fyrirtækinu starfa nú tæplega 50 starfsmenn, sem saman móta samheldinn hóp sérfræðinga sem saman takast á við fjölbreytt verkefni. Fyrirtækið er hluti af Artelia Group, sem er alþjóðleg verkfræðistofa með yfir 11.000 starfsmenn, þar af 1.750 á norðurlöndunum. Samstarf og samlegð með skrifstofum erlendis gefur starfsmönnum tækifæri til að koma að spennandi verkefnum á erlendri grundu, og tengjast öðrum starfsstöðvum í verkefnum og þekkingarmiðlun.

Vinnustaðurinn

BIM teymið stækkar – tvær stöður í boði

Viltu taka þátt í að móta framtíðina í stafrænni hönnun? Við hjá Hnit Artelia erum að stækka og leitum að metnaðarfullum einstaklingum til að styrkja okkar stafrænu vegferð. Við leitum að fólki í tvö ólík en tengd hlutverk á sviði BIM og ACC (Autodesk Construction Cloud).

Helstu verkefni og ábyrgð

Hlutverkin sem um ræðir:

1. BIM Sérfræðingur (BIM Specialist)

Uppbygging, þróun og innleiðing BIM-ferla í takt við ISO 19650 og ISO 27001.
Umsjón með sameiginlegu gagnasvæði (CDE), uppsetning verkefnavefa, notendastýring og rýniferlar í ACC.
Veita hönnuðum og verkefnastjórum tæknilega ráðgjöf og stuðning.
Umsjón með stöðutöku verkefna (t.d. stöðu RFI og upplýsingaflæðis).
Þátttaka í þróunar- og nýsköpunarverkefnum tengdum stafrænum lausnum til að auka skilvirkni í hönnun.

2. BIM Hönnuður (BIM Modeler)

Samræming og umsýsla BIM-líkana í fjölbreyttum verkefnum.
Umsjón með gæðamálum líkana og árekstrargreiningum.
Vinna þétt með hönnuðum í Revit, ACC og öðrum BIM hugbúnaði, t.d. uppsetning módela, tengingar við skýjalausnir og umsjón með fjölskyldum og teiknirömmum.
Þátttaka í þróunar- og nýsköpunarverkefnum tengdum stafrænum lausnum til að auka skilvirkni í hönnun.

Menntunar- og hæfniskröfur

Við leitum að einstaklingum sem

Hafa menntun við hæfi, t.d. í verkfræði, tæknifræði, byggingafræði, tækniteiknun, eða sérhæft BIM-nám.
Hafa góða þekkingu á BIM-hugbúnaði og skilning á aðferðafræði BIM og gagnaskiptum.
Búa yfir frumkvæði og vilja til að læra nýja hluti.
Hafa skipulögð og öguð vinnubrögð.
Búa yfir mikilli samskipta, skipulags- og samvinnuhæfni
Hafa jákvætt viðhorf, frumkvæði og lausnamiðaða nálgun
Búa yfir góðri kunnáttu í íslensku eða ensku; kunnátta á norðurlandatungumáli er kostur

Við bjóðum upp á spennandi verkefni, virka starfsþróun og fjölskylduvænan vinnustað

Hnit Artelia er staðsett á Háaleitisbraut 58-60 í Reykjavík. Hjá fyrirtækinu starfa nú tæplega 50 starfsmenn, sem saman móta samheldinn hóp sérfræðinga sem saman takast á við fjölbreytt verkefni. Fyrirtækið er hluti af Artelia Group, sem er alþjóðleg verkfræðistofa með yfir 11.000 starfsmenn, þar af 1.750 á norðurlöndunum. Samstarf og samlegð með skrifstofum erlendis gefur starfsmönnum tækifæri til að koma að spennandi verkefnum á erlendri grundu, og tengjast öðrum starfsstöðvum í verkefnum og þekkingarmiðlun.

Hnit Artelia býður starfsmönnum sínum upp á uppbyggilegt starfsumhverfi í hópi færustu sérfræðinga, sem saman stuðla að framförum og vexti. Við leggjum áherslu á sálfræðilegt öryggi, þar sem við hjálpumst að við að leysa vandamálin. Vinnustaðurinn leggur áherslu á að styðja vel við starfsfólk sitt og taka tillit til ólíkra aðstæðna. Hnit Artelia vill stuðla að heilbrigðum mörkum milli vinnu og einkalífs, t.d. með sveigjanlegum vinnutíma og fjarvinnumöguleika. Starfsmannafélagið er virkt, með fjölbreyttum viðburðum, oft með mökum og/eða fjölskyldu.

Umsóknarfrestur er til og með 1. júní 2026.

Öll áhugasöm eru hvött til að sækja um, óháð uppruna, aldri eða kyni. Við trúum því að fjölbreyttir hópar skili bestu lausnunum. Farið verður með allar fyrirspurnir og umsóknir sem trúnaðarmál.

Nánari upplýsingar veitir Ólafur Daníelsson, aðstoðarframkvæmdastjóri, á [email protected] eða í síma 686 0228.

Auglýsing birt15. maí 2026

Umsóknarfrestur1. júní 2026

Tungumálahæfni

Engar sérstakar tungumálakröfur

Staðsetning

Háaleitisbraut 58-60 58R, 108 Reykjavík

Starfstegund

Vinnuumhverfi

Starfsgreinar

Starfsmerkingar

Fleiri störf (1)