Almenn umsókn

Sveitarfélagið Árborg hefur margháttuðum skyldum að gegna og starfar breiður hópur fólks hjá vinnustaðnum í sameiningu að því að veita bestu fáanlegu þjónustu til íbúa og samfélagsins.

Vinnustaðurinn Árborg kappkostar að vera fyrirmyndar vinnuveitandi, þar sem hver starfsmaður er metinn að verðleikum eftir hæfni og frammistöðu. Hjá vinnustaðnum starfa að jafnaði um 1000 starfsmenn á 32 vinnustöðum sem sinna allir mikilvægri grunnþjónustu til samfélagsins.

Vinnustaðurinn Árborg hefur markað sér stefnu í jafnréttismálum sem byggir á jöfnum tækifærum, umburðarlyndi, sveigjanleika og samhæfingu starfs- og einkalífs. Hér má sjá jafnréttisstefnu Árborgar. Í samræmi við jafnréttistefnu Árborgar er markmiðið að jafna hlut kynjanna í störfum og að vinnustaðirnir endurspegli fjölbreytileika samfélagsins.

Þá greiðir sveitarfélagið starfsfólki jöfn laun og sömu kjör fyrir sömu eða jafnverðmæt störf. Árborg hlaut jafnlaunavottun árið 2019 og fékk endurvottun árið 2022. Enginn launamunur mælist á milli kynja hjá Árborg.