Hönnunarsafn Íslands

Hönnunarsafn Íslands er lifandi safn sem eykur vitund kveikir neista og skapar tækifæri tengd íslenskri hönnun frá árinu 1900 til framtíðar með því að safna, rannsaka, skrá og miðla. Safnið er vettvangur fyrir samfélag sem lætur sig þessa hluti varða og nýtir sér aðgang að þekkingu og aðstöðu safnsins. Þetta samfélag tekur virkan þátt í að móta safnið ásamt starfsfólki og gestum.

Vinnustaðurinn

Afgreiðslustjóri óskast á Hönnunarsafni Íslands

Hönnunarsafn Íslands auglýsir til umsóknar starf afgreiðslustjóra. Í starfinu felst móttaka gesta, listræn stjórnun og umsjón með safnbúð ásamt aðstoð við hönnuði í vinnustofudvöl og uppsetningu sýninga á Pallinum. Vinnutími er frá klukkan 11:45-17.15 þriðjudaga - föstudaga.

Helstu verkefni og ábyrgð

Móttaka gesta
Umsjón og rekstur á safnbúð
Umsjón með safnbúð á samfélagsmiðlum
Þátttaka við uppsetningu sýninga á Pallinum og hjá hönnuðum í vinnustofudvöl
Eftirlit með sýningarsölum
Önnur verkefni sem safnstjóri felur starfsmanni

Menntunar- og hæfniskröfur

Einstaklega gott viðmót og þjónustulipurð
Þekking, innsýn og brennandi áhugi á íslenskri hönnun
Meistari í framsetningu
Frumkvæði
Íslenskukunnátta á stigi B2 samkvæmt evrópska tungumálarammanum
Enskukunnátta á stigi B1 samkvæmt evrópska tungumálarammanum
Góð almenn tölvufærni og vald á upplýsingatækni og miðlun
Háskólamenntun á sviði hönnunar kostur
Reynsla af safnastarfi og eða verslunarrekstri kostur

Umsóknarfrestur er til og með 30. júní 2025.

Nánari upplýsingar um starfið veitir Sigríður Sigurjónsdóttir, forstöðumaður Hönnunarsafns Íslands á netfanginu [email protected] eða í síma 6171525.

Launakjör eru samkvæmt kjarasamningi Sambands íslenskra sveitarfélaga og hlutaðeigandi stéttarfélags.

Áhugasamir einstaklingar, án tillits til kyns, eru hvattir til að sækja um.

Umsóknum skal fylgja ítarleg starfsferilskrá, kynningarbréf og upplýsingar um umsagnaraðila.

Umsækjendur eru beðnir um að sækja um með því að smella á Sækja um hér til hliðar.

Auglýsing birt12. júní 2025

Umsóknarfrestur30. júní 2025

Tungumálahæfni