Aðstoðardeildarstjóri hjúkrunar - Mörk hjúkrunarheimili - Tímabundið starf

Aðstoðardeildarstjóri hjúkrunar

Við leitum að metnaðarfullum hjúkrunarfræðingi með áhuga á hjúkrun aldraðra, stjórnun og gæðastarfi í starf aðstoðardeildarstjóra.

Lögð er áhersla á góð samskipti innan teymis og við heimilismenn og aðstandendur þeirra. Aðstoðardeildarstjóri starfar náið með deildarstjóra. Hann aðstoðar við skipulagningu hjúkrunar og verklags á deildinni auk innleiðingu nýjunga og umbóta í hjúkrun og stjórnun.

Menntunar- og hæfnikröfur

• Íslenskt hjúkrunarleyfi
• Starfsreynsla sem hjúkrunarfræðingur
• Góðir samskiptahæfileikar og jákvætt viðmót
• Faglegur metnaður og frumkvæði í starfi
• Reynsla af stjórnun kostur

Starfshlutfall er 60 - 100% starf í dagvinnu. Möguleiki á vöktum með.

Um er að ræða tímabundið starf.

Greitt er eftir kjarasamningi Félags íslenskra hjúkrunarfræðinga og Samtaka fyrirtækja í velferðarþjónustu.

Virðing, Vinátta og Vellíðan eru höfð að leiðarljósi í samskiptum og lögð er áhersla á góðan vinnuanda, sjálfstæð vinnubrögð og heimilislegt umhverfi.

Nánari upplýsingar um starfið veitir:

Þura Björk Hreinsdóttir, Hjúkrunarframkvæmdastjóri

[email protected]

Við hlökkum til að heyra frá þér !