Laus störf Hæfnileit Vinnustaðir Námskeið

Mosfellsbær

Mosfellsbær er sjöunda stærsta bæjarfélag á Íslandi með rúmlega 14.000 íbúa. Sveitarfélagið er staðsett í útjaðri höfuðborgarsvæðisins. Mosfellsbær byggir þjónustu sína á áhugasömu og hæfu starfsfólki sem hefur tækifæri til að rækta þekkingu sína og færni í jákvæðu starfsumhverfi. Mosfellsbær er öflugt og framsækið sveitarfélag þar sem gildin virðing, jákvæðni, framsækni og umhyggja eru leiðarljós starfsmanna í daglegu starfi. Hjá Mosfellsbæ starfa um 1200 starfsmenn. Fjölskylduvæn og sveigjanleg mannauðsstefna styður við þá hugmyndafræði að Mosfellsbær sé eftirsóknarverður vinnustaður þar sem atvinna og fjölskylduábyrgð fara saman. Mosfellsbær er heilsueflandi samfélag sem miðar að því að þróa samfélagslegan ramma utan um markvissa og heildræna heilsueflingu, en verkefninu er ætlað að ná til allra aldurshópa í samfélaginu, bæði íbúa og starfsmanna.

Vinnustaðurinn

Aðalbókari óskast á bæjarskrifstofur Mosfellsbæjar

Fjármála- og áhættustýringarsvið Mosfellsbæjar hefur yfirumsjón með allri fjármálastjórn bæjarins. Sviðið hefur með höndum fjárstýringu, reikningshald og bókhald, yfirumsjón með fjárhagsáætlun, lánastýringu, umsjón með gjaldskrám, innkaup, eftirlit með fjárhagstengdum samningum ásamt fjárhagslegu áhættumati. Á sviðinu starfa fjármálastjóri, verkefnastjóri, innheimtufulltrúi, aðalbókari og bókari. Aðalbókari ber ábyrgð á bókhaldi Mosfellsbæjar, stýrir bókhaldsvinnu sveitarfélagsins, gerð uppgjörs, þróun verkferla og stýring fjárhagsupplýsingakerfa. Fjárhagskerfi Mosfellsbæjar er Microsoft Dynamics 365 Business Central (NAV).

Helstu verkefni og ábyrgð

Yfirumsjón með öllu bókhaldi Mosfellsbæjar og stofnana bæjarins, eignakerfi, afstemmingum og annarri bókhaldsvinnu.
Ber ábyrgð á að skipulag bókhalds og vinnubrögð séu í samræmi við lög og viðurkenndar reikningsskilareglur
Yfirumsjón með skráningu reikninga og samþykktum þeirra
Yfirumsjón með virðisaukaskattsmálum
Ýmis uppgjörs- og greiningarvinna
Gerð rekstraryfirlita, fjárhagsgreininga og skýrslugerð
Ráðgjöf og stuðningur við notendur fjárhagskerfis
Samskipti við endurskoðendur vegna ársreiknings Mosfellsbæjar
Þátttaka í áætlanagerð og innra eftirliti

Menntunar- og hæfniskröfur

Viðskiptafræðimenntun af fjármála- eða endurskoðunarsviði og/eða meistarapróf í reikningsskilum er skilyrði
Þekking og reynsla á færslu, skipulagningu og uppgjöri bókhalds er skilyrði
Þekking á lögum og reglum um bókhald og reikningsskil sveitarfélaga ásamt lögum um virðisaukaskatt og reglum um undanþágur fyrir sveitarfélög er kostur
Reynsla af sambærilegu starfi er kostur
Góð tölvukunnátta og færni í Excel er skilyrði
Góð þekking og reynsla af Dynamics BC (NAV) er kostur
Reynsla af þróun verkferla og samþættingu Dynamics BC (NAV) við önnur kerfi er kostur
Samskiptahæfni, jákvætt viðhorf og lausnamiðuð hugsun
Nákvæmni í vinnubrögðum og talnagleggni
Frumkvæði sjálfstæði og skipulagshæfni
Góð íslenskukunnátta er nauðsynleg

Umsóknir skulu innihalda starfsferilsskrá og kynningarbréf sem greinir frá reynslu, menntun og fyrri störfum ásamt rökstuðningi fyrir hæfni í starfið.

Nánari upplýsingar um starfið veitir Pétur J. Lockton sviðsstjóri fjármála- og áhættustýringarsviðs í síma 525 6700.

Um framtíðarstöðu er að ræða.

Laun eru samkvæmt kjarasamningi Sambands ísl. sveitarfélaga og viðkomandi stéttarfélags.

Við hvetjum áhugasöm til að sækja um óháð aldri, kyni, uppruna eða fötlun.

Auglýsing birt8. desember 2023

Umsóknarfrestur2. janúar 2024

Tungumálahæfni