Við leitum að sálfræðing

Vegna aukinna umsvifa viljum við bæta við starfsfólki á mannauðs- og sálfræðisvið Vinnuverndar og leitumst eftir að ráða öflugan sálfræðing til að slást í för með okkur.

Um er að ræða dagvinnu í 60- 100% starfshlutfalli.

Vinnuvernd er framsækið þjónustu- og ráðgjafafyrirtæki sem leitast eftir því að efla heilbrigði einstaklinga og vellíðan á vinnustöðum. Hjá okkur starfar reynslumikill hópur fagfólks sem hefur sérhæft sig í þjónustu við atvinnulífið og einstaklinga. Teymið okkar samanstendur af hjúkrunarfræðingum, læknum, sálfræðingum, sjúkraþjálfara og móttökustjóra, en öll sameinum við krafta okkar í faglegri þjónustu til viðskiptavina.

Sálfræðisvið Vinnuverndar veitir stjórnendum vinnustaða ýmsa mannauðstengda ráðgjöf ásamt því að bjóða upp á sálfræðiviðtöl og handleiðslu fyrir starfsfólk og stjórnendur. Sálfræðingar okkar eru sérhæfðir í andlegum og félagslegum áhættuþáttum á vinnustað.

Í dag þjónustum við stolt fjölmörg íslensk fyrirtæki, stofnanir og sveitafélög og fer þeim ört fjölgandi.

Við erum á spennandi vegferð og við getum ekki beðið eftir því að bæta góðu fólki við hópinn okkar!

Við hlökkum til að heyra frá þér.