Akureyri

Akureyrarbær er stór vinnustaður með rúmlega 2.000 starfsmenn. Á hverju vori fjölgar starfsfólki um nálægt 1.200 manns vegna sumarafleysinga og vinnuskólans. Starfsfólk Akureyrarbæjar sinnir margvíslegum verkefnum sem tryggja velferð og ánægju íbúa Akureyrar, hvort sem um er að ræða störf við leik- eða grunnskóla, íbúakjarna, rekstur mannvirkja, stjórnsýslu eða annað.

Profil pracodawcy

Verkstjóri í Lystigarð Akureyrar

Umhverfis- og mannvirkjasvið óskar eftir að ráða samviskusaman og vandvirkan einstakling sem verkstjóra í 100% starf í Lystigarð Akureyrar. Starfið er ótímabundið og æskilegt er að viðkomandi geti hafið störf sem fyrst.

Lystigarður Akureyrar er rekinn af Akureyrarbæ sem grasagarður og skrúðgarður. Almenningsgarðurinn var opnaður árið 1912 og grasagarðurinn árið 1957. Garðurinn gegnir fjölþættu hlutverki; annars vegar sem lifandi safn plantna þar sem áhersla er lögð á innflutning, prófanir og ræktun fallegra og harðgerra erlendra plantna sem henta íslenskum aðstæðum, og hins vegar sem almenningsgarður til fróðleiks, upplifunar og útivistar. Lystigarðurinn er víðkunnur fyrir fegurð sína og fjölbreytt plöntusafn.

Helstu verkefni og ábyrgð

Ábyrgð á daglegum rekstri Lystigarðsins og yfirumsjón með allri verklegri starfsemi.
Skipulagning, útplöntun, viðhald og skráning plöntusafnsins í samstarfi við grasafræðing garðsins.
Yfirumsjón með fræsöfnun.
Önnur tilfallandi verkefni innan umhverfis- og mannvirkjasviðs.

Menntunar- og hæfniskröfur

Garðyrkjunám af Garð- og skógarplöntubraut eða Skrúðgarðyrkjubraut.
Meistararéttindi í skrúðgarðyrkju er kostur.
Fræðileg þekking og víðtæk reynsla af garðyrkjustörfum.
Góð plöntuþekking.
Reynsla af verkstjórn er æskileg.
Geta til að lesa og vinna eftir teikningum.
Góð þjónustulund og hæfni í mannlegum samskiptum.
Sjálfstæði í vinnubrögðum, frumkvæði, stundvísi og samviskusemi.
Góð kunnátta í íslensku og ensku, bæði í ræðu og riti.
Gerð er krafa um vammleysi, s.s. að vera með gott orðspor og að framkoma og athafnir á vinnustað og utan hans samrýmist starfinu.

Tekið verður tillit til Mannréttindastefnu Akureyrarbæjar um jafnréttismál við ráðningu í starfið.

Laun eru samkvæmt kjarasamningi Sambands íslenskra sveitarfélaga og Kjalar.

Upplýsingar um kaup og kjör veitir launadeild Akureyrarbæjar: [email protected]

Nánari upplýsingar um starfið veitir Katla Eiríksdóttir forstöðumaður í gegnum netfangið [email protected]

Einungis er tekið á móti rafrænum umsóknum.

Aðgengi að tölvu og aðstoð vegna umsókna stendur til boða í Þjónustuveri Akureyrarbæjar Geislagötu 9.

Umsóknarfrestur er til og með 10. febrúar 2026

Utworzono ofertę pracy27. January 2026

Termin nadsyłania podań10. February 2026

Znajomość języków