Verkefnastjóri í Blöndustöð

Ertu mannvirkjamanneskja?

Við leitum að öflugum og lausnamiðuðum einstaklingi til að sinna verkefnum tengdum vegakerfi, mannvirkjum, stíflum og vatnsvegum á Blöndusvæði. Starfið er á sviði vatnsafls sem ber m.a. ábyrgð á viðhaldi og eftirliti með mannvirkjum og stíflum Landsvirkjunar og tryggir að þau uppfylli kröfur á sviði umhverfis- og öryggismála.

Starfsstöð er í Blöndustöð.

Helstu verkefni:

• Umsjón og eftirlit með vegum og mannvirkjum Landsvirkjunar á Blöndusvæði.
• Mat á ástandi og öryggi stíflna, vatnsvega og tengdra mannvirkja.
• Verkefnastýring og þátttaka í viðhaldi og umbótaverkefnum .
• Söfnun, úrvinnsla og skráning mæligagna í eftirlitskerfi fyrirtækisins.
• Skýrslugerð í tengslum við eftirlit og vöktunarkerfi.

Hæfni:

• Háskólamenntun í byggingarverkfræði, byggingatæknifræði eða skyldum greinum.
• Reynsla af verklegum framkvæmdum og/eða viðhaldi mannvirkja er kostur.
• Þekking á gæða-, öryggis- og umhverfismálum er æskileg.
• Skipulagshæfni, frumkvæði og sjálfstæð vinnubrögð.
• Góð samskiptafærni og hæfni til að vinna í þverfaglegum teymum

Umsókn skal fylgja ferilskrá og kynningarbréf sem rökstyður hæfni umsækjanda til starfsins.