Heilbrigðisvísindasvið Háskóla Íslands

Verkefnastjóri á skrifstofu námsbrauta í geisla- og lífeindafræði

Laust er til umsóknar 75% starf verkefnastjóra á skrifstofu námsbrauta í geisla- og lífeindafræði innan Læknadeildar Heilbrigðisvísindasviðs Háskóla Íslands. Um er að ræða tímabundna afleysingu til eins árs.

Verkefnastjóri gegnir mikilvægu hlutverki í starfsemi námsbrautanna og er í nánu samstarfi við námsbrautarstjóra, kennara, nemendur og annað stjórnsýslustarfsfólk. Starfið veitir góða innsýn í háskólaumhverfi og hentar vel einstaklingi sem hefur ánægju af skipulagi, samskiptum og þjónustu.

Helstu verkefni og ábyrgð

Dagleg verkefni í tengslum við nám og kennslu, svo sem upplýsingagjöf, afgreiðsla erinda, skjalavarsla og almenn þjónusta við nemendur og kennara
Umsjón með kennsluáætlunum og uppgjöri kennslu í samstarfi við fjármálateymi HVS
Vinna við stundaskrár, stofubókanir og prófahald
Kynningarmál og viðburðir á vegum námsbrautanna
Undirbúningur brautskráninga
Undirbúningur funda og eftirfylgni mála
Skipulagning og umsýsla verklegrar þjálfunar nemenda
Eftirfylgni með upplýsingum í kennsluskrá

Menntunar- og hæfniskröfur

Bakkalárpróf sem nýtist í starfi
Gott vald á upplýsingatækni og áhugi á að tileinka sér nýjungar á því sviði, meðal annars á sviði gervigreindar
Góð samstarfshæfni og rík þjónustulund
Sjálfstæð, skipulögð og lausnamiðuð vinnubrögð
Góð færni í íslensku og ensku
Reynsla af sambærilegum verkefnum í háskólaumhverfi er æskileg

Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.

Í tengslum við endurskoðun á skipulagi stjórnsýslu og stoðþjónustu, sem og fyrirhugaðan flutning Heilbrigðisvísindasviðs í nýtt húsnæði, er starfsemi sviðsins í þróun. Verkefni og áherslur starfsins kunna því að taka breytingum.

Mikilvægt er að viðkomandi geti hafið störf sem fyrst.

Eftirfarandi gögn skulu fylgja umsókn:

Ferilskrá
Kynningarbréf þar sem fjallað er um hvernig umsækjandi uppfyllir þær hæfnikröfur sem settar eru fram í auglýsingunni og hvað hann telur sig geta lagt af mörkum til starfsins
Afrit af prófskírteinum
Upplýsingar um umsagnaraðila

Öllum umsóknum verður svarað og umsækjendum tilkynnt um ráðstöfun starfsins þegar ákvörðun hefur verið tekin. Umsóknir geta gilt í sex mánuði frá lokum umsóknafrests.

Við ráðningu í störf í Háskóla Íslands er tekið mið af jafnréttisáætlun skólans. Vakin er athygli á málstefnu Háskóla Íslands.

Háskóli Íslands hefur frá stofnun verið undirstaða atvinnulífs og framfara í íslensku samfélagi. HÍ er jafnframt framsækinn rannsóknarháskóli og virkur þátttakandi í alþjóðlegu vísindasamstarfi.

Háskóli Íslands er stærsti háskóli landsins og býður upp á hátt í 400 námsleiðir á grunn-, meistara- og doktorsstigi. Um 14.000 nemendur stunda nám við skólann, þar af yfir 2.000 alþjóðlegir nemar.

Við Háskóla Íslands starfa yfir 1.800 manns. Skólinn leggur áherslu á að laða til sín fjölbreyttan hóp starfsfólks og stúdenta í alþjóðlegt fræðasamfélag þar sem akademískt frelsi, fagmennska, jafnrétti, fjölbreytileiki og inngilding eru í öndvegi. 36 stunda vinnuvika hefur verið innleidd í stjórnsýslustörfum skólans.

Nánar um Háskóla Íslands, fræðasvið hans og deildir

Starfshlutfall er 75%

Umsóknarfrestur er til og með 29.05.2026

Nánari upplýsingar veita:

Magnús Ragnar Guðmundsson, deildarstjóri Læknadeildar, [email protected], 5255928

Erna Sigurðardóttir, rekstrarstjóri Heilbrigðisvísindasviðs, [email protected], 5255889

Utworzono ofertę pracy21. May 2026

Termin nadsyłania podań29. May 2026

Znajomość języków