Í Hrunamannahreppi er fjölbreytt og gott mannlíf þar sem tækifærin eru fjölmörg fyrir áhugasama og duglega einstaklinga. Í sveitarfélaginu búa um 960 manns og þar af um helmingur á Flúðum. Á Flúðum er grunn-, leik- og tónlistarskóli, íþróttahús, bókasafn, sundlaug, líkamsrækt, verslanir, veitingastaðir og fjölbreytt afþreying. Heilsugæsla mun opna á Flúðum í ágúst og sjúkraþjálfari hefur þegar tekið til starfa. Samgöngur í allar áttir eru góðar, helstu náttúruperlur landsins eru innan seilingar og svo segja margir að veðrið sé alltaf aðeins betra í Hrunamannahreppi – það er góður kostur ! Frekari upplýsingar um sveitarfélagið má finna á www.fludir.is