Umsjónarkennari á yngsta stig - Áslandsskóli

Áslandsskóli óskar eftir að ráða umsjónarkennara á yngsta stig skólaárið 2025-2026

Ráðið er í stöðuna frá 15. ágúst 2025

Áslandsskóli var stofnaður árið 2001 og er staðsettur í Áslandsshverfi í Hafnarfirði. Áslandsskóli er heildstæður grunnskóli með 1.-10.bekk og eru nemendur um 450 talsins. Einkunnarorð Áslandsskóla eru samvinna, ábyrgð, tillitsemi og traust. Áslandsskóli er heilsueflandi grunnskóli og er unnið markvisst að þeim málum innan skólans. Lögð er áhersla á að nemendur fái námsefni við hæfi og þrói þannig og þroski hæfileika sína með markvissum hætti. Í skólanum er lögð áhersla á vellíðan nemenda og góðan námsárangur.

Í skólanum er unnið eftir SMT skólafærni þar sem lögð er áhersla á að nálgast nemendur á jákvæðan hátt, gefa góðri hegðun gaum, styrkja og efla jákvæð samskipti milli nemenda og skapa jákvæðan skólabrag.

Skólinn byggir stefnu sína á fjórum stoðum náms og menntunar sem eru:

• Allar dygðir
• Hnattrænn skilningur
• Þjónusta við samfélagið
• Að gera allt framúrskarandi vel

Hver árgangur mætir a.m.k. einu sinni í viku í morgunstund á sal. Morgunstundir eru vettvangur til að vinna með dygðir og stoðir skólans.

Áslandsskóli er símalaus skóli frá 1.-7. bekk.

Helstu verkefni og ábyrgð:

• Annast almenna kennslu á yngsta stigi
• Vinnur að þróun skólastarfs í samstarfi við stjórnendur og samstarfsfólk
• Stuðlar að velferð nemenda í samstarfi við foreldra og fagaðila
• Vinnur samkvæmt stefnu skólans þar með talið eftir SMT skólafærni
• Vinnur eftir stefnu skólans í eineltis- og forvarnarmálum
• Önnur verkefni samkvæmt starfslýsingu

Menntunar- og hæfniskröfur:

• Leyfisbréf til kennslu (leyfisbréf fylgi umsókn)
• Góð og víðtæk reynsla á kennslu í grunnskóla
• Góð þekking á SMT skólafærni
• Haldgóð þekking á kennslufræði námsgreina á yngsta stigi æskilegt
• Áhugi á að starfa með börnum og ungmennum
• Lipurð í samskiptum, sveigjanleiki og samstarfshæfni
• Frumkvæði og sjálfstæði í vinnubrögðum
• Jákvæðni og áhugi á að starfa í skapandi og metnaðarfullu umhverfi
• Stundvísi og samviskusemi
• Mjög góð íslenskukunnátta

Nánari upplýsingar um starfið veitir Unnur Elfa Guðmundsdóttir skólatjóri, [email protected], og Hálfdan Þorsteinsson aðstoðarskólastjóri [email protected].

Launakjör eru samkvæmt kjarasamningi Sambands íslenskra sveitarfélaga við KÍ.

Umsóknarfrestur er til og með 10. ágúst 2025

Skilyrði er að viðkomandi hafi hreint sakavottorð.

Greinargóð ferilsskrá og leyfisbréf fylgi umsókn.

Vakin er athygli á stefnu Hafnarfjarðarbæjar að jafna hlutfall kynjanna í störfum hjá bænum og að vinnustaðir bæjarins endurspegli fjölbreytileika samfélagsins.