Spennandi starf fyrir iðjuþjálfa - Geðheilsuteymi HH austur

Ertu metnaðarfullur iðjuþjálfi sem brennur fyrir bættri geðheilsu og velferð fólks? Geðheilsuteymi HH austur leitar að öflugum og samhentum liðsfélaga í 100% ótímabundið starf. Hér gefst tækifæri til að hafa áhrif á líf fólks með því að efla virkni, sjálfstæði og lífsgæði skjólstæðinga í nánu samstarfi við samheldið og þverfaglegt teymi.

Við leitum að einstaklingi sem er tilbúinn að taka þátt í spennandi og krefjandi verkefnum og getur hafið störf 1. júní nk. eða eftir nánara samkomulagi.

Sem iðjuþjálfi hjá Geðheilsuteymi HH austur tekur þú þátt í þróunarstarfi sem felur í sér:

• Umsjón með ákveðnum fjölda skjólstæðinga og málastjórn
• Þétt samstarf við notendafulltrúa og aðra fagaðila
• Áherslu á að efla virkni, þátttöku, sjálfstæði og lífsgæði skjólstæðinga
• Vinnu samkvæmt batahugmyndafræði þar sem einstaklingsmiðuð þjónusta og styrkleikar notenda eru í fyrirrúmi

Teymið er staðsett að Stórhöfða 23 og í því starfar fjölbreyttur hópur fagfólks: hjúkrunarfræðingar, geðlæknar, sálfræðingar, þroskaþjálfi, geðsjúkraliði, notendafulltrúi, félagsráðgjafi, fjölskyldufræðingar, iðjuþjálfi og skrifstofustjóri. Lögð er rík áhersla á jákvæðan starfsanda og faglegan stuðning.

Nánari upplýsingar má finna inni á (www.heilsugaeslan.is).