Tenglar fyrir börn með miklar stuðningsþarfir - BS/BA gráða

Ertu tilbúin(n) að hefja nýtt og spennandi starf í lok ágúst

Arnarskóli auglýsir lausar stöður tengla frá hausti 2025

Langar þig að taka þátt í krefjandi og gefandi starfi með börnum sem þurfa sérstakan stuðning? Við leitum að metnaðarfullu starfsfólki sem getur hafið störf í lok águst. Arnarskóli er sérskóli sem sérhæfir sig í að veita börnum með hegðunarvanda, einhverfu og önnur þroskafrávik einstaklingsmiðað nám og stuðning. Við leitum að metnaðarfullum einstaklingum sem búa yfir þekkingu og hæfni til að styðja nemendur við að takast á við áskoranir í hegðun og líðan. Starfið krefst þess að þú getir unnið þétt með nemendum, foreldrum og samstarfsfólki við krefjandi aðtæður að því að skapa jákvætt og uppbyggjandi skólaumhverfi.

Við leggjum áherslu á að þú sért lausnamiðaður og með sterka samskiptafærni, þar sem stór hluti starfsins felur í sér að aðstoða nemendur við að þróa félagsfærni, sjálfstjórn og jákvæða hegðun í daglegu starfi. Ef þú hefur brennandi áhuga á að vinna í faglegu og stuðningsríku starfsumhverfi þar sem vellíðan og árangur nemenda eru í fyrirrúmi, hvetjum við þig til að sækja um.

Hlutverk tengla: Tenglar í Arnarskóla bera ábyrgð á námi og leik eins nemanda í nánu samstarfi við atferlisfræðing og kennara. Þeir vinna í teymi 5-7 nemenda og stuðla að öryggi, þroska og vellíðan hvers barns. Tenglar fá þjálfun í hagnýtri atferlisgreiningu og reglulega handleiðslu til að efla faglega færni.

Hvað Arnarskóli býður upp á:

• Þjálfun og handleiðslu frá atferlisfræðingum.

• Hlýlegt og stuðningsríkt starfsumhverfi.

• Áframhaldandi þróun í starfi með reglulegum fagfundum.

Starfið hentar þeim sem vilja vinna á skemmtilegum og krefjandi vinnustað þar sem virðing og fagmennska eru lykilatriði.

Við hvetjum áhugasama að sækja um og taka þátt í að skapa jákvætt og gefandi námssamfélag fyrir börn með sérstakar stuðningsþarfir.

.