Kópavogsskóli

Kópavogsskóli er hverfisskóli miðbæjar Kópavogs og stendur við Digranesveg 15. Í skólanum eru um 400 flottir nemendur og þeim hefur fjölgað jafnt og þétt undanfarin ár. Skólinn er fjölþjóðlegur en rúmlega 20% nemenda eru af erlendum uppruna. Allt starf Kópavogsskóla mótast af uppeldisstefnunni Uppeldi til ábyrgðar. Að auki vinna yngstu bekkir skólans með vináttuverkefni Barnaheilla og bangsann Blæ.Í skólareglunum er lögð áhersla á þann skólabrag sem leitast er við að skapa Í Kópavogsskóla er lögð áhersla á að allir: • komi fram af tillitssemi og kurteisi • virði vinnu annarra • sinni hlutverki sínu af kostgæfni • leggi áherslu á heilbrigða lífsýn

Profil pracodawcy

Skrifstofustjóri í Kópavogsskóla

Kópavogsskóli auglýsir eftir öflugum skrifstofustjóra til að bætast í hópinn okkar í 90 til 100% starf frá og með 1. ágúst 2026 með möguleika á ráðningu fyrr.

Kópavogsskóli er heildstæður grunnskóli með um 420 frábæra nemendur og um 75 kraftmikla starfsmenn. Í skólanum er sérdeild fyrir nemendur á mið- og unglingastigi og frístundaheimili fyrir nemendur í 1. – 4. bekk. Unnið er samkvæmt uppeldisstefnunni Uppeldi til ábyrgðar og lögð er áhersla á skapandi og framsækið skólastarf.

Einkennisorð skólans eru vinátta, virðing, vellíðan. Góður starfsandi er í skólanum.

Upplýsingar um Kópavogsskóla og skólastarfið er að finna á www.kopavogsskoli.is.

Helstu verkefni og ábyrgð

Umsjón og ábyrgð á daglegum rekstri skrifstofu.
Móttaka og þjónusta við nemendur, foreldra, starfsfólk og gesti skólans.
Símsvörun og miðlun skilaboða til viðeigandi aðila innan og utan bæjarins.
Umsýsla, skjölun og frágangur gagna s.s. nemenda- og starfsmannagögn.
Umsjón með viðveruskráningu starfsmanna í Vinnustund.
Umsjón með skráningu nemenda, forfallaskráningu og skipulagi forfalla.
Innkaup og birgðahald fyrir skrifstofu og skólahald.
Stuðla að velferð nemenda og góðum samskiptum við forsjáraðila í samstarfi við fagfólk skólans.
Umsjón með túlkaþjónustu.
Önnur tilfallandi verkefni í samstarfi við skólastjóra og stjórnendur.

Menntunar- og hæfniskröfur

Háskólamenntun sem nýtist í starfi kostur.
Mjög góð þekking og/eða reynsla af skrifstofustörfum, helst innan skóla- eða opinberrar stjórnsýslu.
Góð tölvukunnátta og færni í ritvinnslu og almennri skrifstofuvinnu.
Þekking á upplýsingakerfum eins og Mentor er mikill kostur.
Þekking og reynsla á Vinnustund er mikill kostur.
Frábær hæfni í mannlegum samskiptum, þjónustulund og fagleg framkoma.
Góð skipulagshæfni og sjálfstæði í vinnubrögðum.
Stundvísi og áreiðanleiki.
Góð íslensku- og enskukunnátta í rituðu og töluðu máli.

Fríðindi í starfi

Starfsmenn Kópavogsbæjar fá frían aðgang í sundlaugar bæjarins

Umsóknum skal fylgja ferilskrá og kynningarbréf.

Laun eru samkvæmt kjarasamningi Sambands íslenskra sveitarfélaga og viðeigandi stéttarfélags.

Bent er á að samkvæmt lögum þurfa umsækjendur að samþykkja heimild til öflunar upplýsinga úr sakaskrá.

Tekið verður mið af jafnréttisstefnu Kópavogsbæjar við ráðningu í starfið.

Upplýsingar gefur Guðný Sigurjónsdóttir skólastjóri (sími 4413400) Einnig má senda fyrirspurnir á netfangið [email protected]

Tekið er á móti umsóknum í gegnum ráðningarvef Alfreðs.

Utworzono ofertę pracy10. April 2026

Termin nadsyłania podań24. April 2026

Znajomość języków