Sensa ehf.

Sensa er alþjóðlegt þjónustufyrirtæki og starfar þar reynslumikill hópur sérfræðinga með hátt þekkingarstig. Við bjóðum upp á sveigjanlegt vinnuumhverfi þar sem reynt er að koma til móts við þarfir hvers og eins eftir bestu getu. Markmið Sensa er að vera ávallt í fararbroddi þar sem sterk liðsheild, hátt þekkingarstig og verðmæt viðskiptasambönd spila stórt hlutverk. Áhersla er lögð á að starfsfólk styrki sig í þekkingu og menntun með ýmsu móti og geti vaxið á eigin forsendum. Okkur er ekki sama eru einkunnarorð Sensa, okkur er ekki sama um viðskiptavininn eða starfsmenn okkar. Eigandi Sensa er SoftwareOne sem er alþjóðlegt upplýsingatæknifyrirtæki með höfuðstöðvar í Swiss.

Profil pracodawcy

Sérfræðingur í net- og öryggislausnum

Sensa leitar að öflugum sérfræðingi í net- og öryggislausnahóp fyrirtækisins. Verkefnin snúa meðal annars að því að þróa og reka núverandi netkerfi hjá viðskiptavinum á Íslandi og erlendis, ásamt okkar eigin hýsingarneti og öryggislausnum.

Viðkomandi þarf að vera lausnamiðaður, viljugur til að læra og hafa áhuga á að vinna í krefjandi og spennandi umhverfi. Einnig þarf viðkomandi að geta unnið sjálfstætt og leitt áfram tæknileg verkefni hjá viðskiptavinum ásamt því að vinna þétt með reynslumiklum tæknimönnum á ýmsum sviðum.

Menntunar- og hæfniskröfur

Þekking og reynsla í net- og/eða öryggislausnum er krafa
Þekking og reynsla í hönnun/innleiðingu/rekstri tæknilegra lausna er krafa
Menntun á sviði tölvunarfræði/kerfisfræði og/eða verkfræði er kostur
Prófgráða frá Cisco, Fortinet og/eða Palo Alto er kostur
Færni í mannlegum samskiptum og leiðtogahæfni
Góð íslensku- og enskukunnátta

Fríðindi í starfi

Samgöngustyrkur fyrir þá sem kjósa annan ferðamáta en einkabílinn
Heilsueflingarstyrkur
Hjólageymsla, líkamsræktar- og sturtuaðstaða
Fyrsta flokks mötuneyti
Sveigjanlegur vinnutími

Sensa er alþjóðlegt þjónustufyrirtæki sem sérhæfir sig í upplýsingatækni og stafrænni þróun á fyrirtækjamarkaði. Hjá okkur starfar um 120 sérhæft starfsfólk með mikla reynslu og hátt þekkingarstig. Við bjóðum upp á nútímalegt og sveigjanlegt vinnuumhverfi þar sem starfsfólk fær tækifæri til aukinnar menntunnar á sviði upplýsingatækni og svigrúm til að vaxa á eigin forsendum. Mikil áhersla er lögð á velferð starfsmanna, góðan starfsanda og hvetjandi og skemmtilegt starfsumhverfi.

Umsóknarfrestur er til og með 20. september nk. en byrjað verður að vinna úr umsóknum um leið og þær berast.

Gerð er krafa um að umsækjendur hafi hreint sakavottorð.

Við hvetjum öll sem hafa þekkingu og reynslu fyrir þetta starf til þess að sækja um.

Nánari upplýsingar um starfið veitir Ómar Henningsson, í gegnum netfangið [email protected]

Einungis er tekið á móti umsóknum í gegnum umsóknarkerfi Alfreðs.

Utworzono ofertę pracy4. September 2026

Termin nadsyłania podań20. September 2026

Znajomość języków