VÍS

VÍS er framúrskarandi vinnustaður með einstaka vinnustaðamenningu. Við erum fyrirmyndarfyrirtæki, leggjum áherslu á jafnrétti og höfum útrýmt launamun kynjanna. Við sköpum tækifæri fyrir starfsfólkið okkar til þess að vaxa og dafna – í lífi og starfi. Við bjóðum upp á nýsköpunarumhverfi og elskum hugrekki. VÍS ætlar að breyta því hvernig tryggingar virka og þannig fækka slysum og tjónum. Við leggjum ríka áherslu á sjálfbærni því við vitum að það er framtíðin.

Profil pracodawcy

Hugbúnaðarsérfræðingur

VÍS er á spennandi tímamótum í stafrænni þróun. Við höfum verið að innleiða nútímalegan tæknistakk og leitum nú að hugbúnaðarsérfræðingi sem vill taka þátt og hafa áhrif og móta framtíð stafrænna lausna með okkur.

Helstu verkefni og ábyrgð

Hönnun og þróun nýrra veflausna, bæði í framenda (Next.js, Typescript) og bakenda (NestJS)
Viðhald og endurbætur á núverandi lausnum
Mæla og bæta afköst, þróa og viðhalda gæðum kóða og sjálfvirkum prófunum
Samvinna þvert á deildir í fjölbreyttum og þverfaglegum verkefnum
Virk þátttaka í að efla teymið, afla nýrrar þekkingar og miðla henni áfram
Þátttaka í tæknilegu vali og mótun þróunarferla innan teymisins

Menntunar- og hæfniskröfur

Háskólamenntun á sviði tölvunarfræði, hugbúnaðarverkfræði eða sambærileg menntun sem nýtist í starfi
Að minnsta kosti þriggja ára starfsreynsla í hugbúnaðarþróun
Góð þekking og reynsla í Typescript og Next.js, auk reynslu af bakendaþróun með NestJS
Reynsla af þverfaglegri teymisvinnu og starfi í Agile/Scrum umhverfi
Reynsla af GitHub eða sambærilegri útgáfustýringarkerfum
Frumkvæði, metnaður og fagleg vinnubrögð
Góð samskiptahæfni og vilji til að taka virkan þátt í umhverfi þar sem allir leggja sitt af mörkum

Fríðindi í starfi

Framúrskarandi vinnustað með einstaka vinnustaðamenningu
Fyrirmyndarfyrirtæki með áherslu á jafnrétti
Árlegur líkamsræktarstyrkur
Frábært mötuneyti
Samgöngustyrkur vegna vistvænna samgangna til og frá vinnu
Heilsufarsskoðun, bólusetning og heilsueflandi fræðsla
Virkt starfsmannafélag sem býður m.a. upp á golfklúbb og aðgang að orlofshúsum
Tækifæri til þess að vaxa og dafna – í lífi og starfi

Nánari upplýsingar veitir Sólrún Húnfjörð Káradóttir, hópstjóri Stafrænna lausna, netfang [email protected]

Umsóknarfrestur er til og með 30. september 2026. Við hvetjum öll sem uppfylla hæfniskröfur til að sækja um, óháð kyni. Fullum trúnaði er heitið og öllum umsóknum verður svarað þegar ákvörðun um ráðningu hefur verið tekin.

Utworzono ofertę pracy18. September 2026

Termin nadsyłania podań30. September 2026

Znajomość języków