Rafvirki/Rafeindavirki/Vélstjóri í Tæknideild Nortek á Akureyri.

Tækifæri fyrir metnaðarfullan rafvirkja/rafeindavirkja/vélstjóra

Nortek leitar að drífandi einstaklingi til starfa í tækniteymi fyrirtækisins við uppsetningu, þjónustu og viðhald á fjölbreyttum öryggis- og eftirlitslausnum.

Í boði er krefjandi og fjölbreytt starf í skemmtilegu vinnuumhverfi þar sem þú færð að vinna með nýjustu tækni, þróast faglega og leggja þitt af mörkum til að gera samfélagið öruggara. Starfið felur í sér samskipti við viðskiptavini og náið samstarf við samhentan hóp tæknimanna.

Við leitum að einstaklingi sem:

• Býr yfir reynslu af sambærilegum störfum
• Er lipur í mannlegum samskiptum
• Sýnir frumkvæði og sjálfstæð vinnubrögð
• Hefur ríka þjónustulund og tekur ábyrgð á verkefnum

Hjá okkur færð þú tækifæri til að þróast og vaxa í starfi. Við bjóðum upp á reglulega fræðslu og þjálfun í nýjustu lausnum þannig að þú sért alltaf á toppnum í faginu.

Við leggjum mikla áherslu á jákvætt og hvetjandi vinnuumhverfi þar sem gott samstarf og húmor er í hávegum haft, og tryggjum þér faglegan stuðning svo þú getir tekist á við spennandi og krefjandi verkefni.

Almennur vinnutími er frá kl. 8–16 virka daga og 8–15 á föstudögum. Starfsfólk hefur jafnframt aðgang að fyrirtækjabíl til að komast í og úr vinnu, auk búnaðar og tækja í hæsta gæðaflokki sem gera starfið bæði skilvirkt og ánægjulegt.

Umsækjendur þurfa að geta framvísað hreinu sakavottorði. Farið verður með allar fyrirspurnir og umsóknir sem trúnaðarmál.