Heilsugæsla höfuðborgarsvæðisins

Heilsugæsla höfuðborgarsvæðisins er önnur stærsta heilbrigðisstofnun landsins og veitir heilbrigðisþjónustu sem grundvallast á sérþekkingu fagstétta og víðtæku þverfaglegu samstarfi. Hjá stofnuninni starfa um 1.000 starfsmenn. 15 heilsugæslustöðvar tilheyra henni auk þess eru átta starfsstöðvar á sviði geðheilsu og átta aðrar sérþjónustur. Nánari upplýsingar um starfsemina má finna á vef Heilsugæslunnar (www.heilsugaeslan.is).

Profil pracodawcy

Framkvæmdastjóri mannauðs

Heilsugæsla höfuðborgarsvæðisins óskar eftir að ráða öflugan einstakling með skýra framtíðarsýn og getu til að vinna í krefjandi umhverfi þar sem frumkvæði og drifkraftur fá að njóta sín í starf framkvæmdastjóra mannauðs.

Leitað er að framsæknum einstaklingi sem býr yfir framúrskarandi samskiptahæfni, brennandi áhuga á mannauðsmálum auk skilnings og þekkingar á rekstri. Framkvæmdastjóri mannauðs heyrir undir forstjóra og á sæti í framkvæmdastjórn.

Framkvæmdastjóri mannauðs hefur umsjón með framkvæmd mannauðsstefnu og leiðir uppbyggingu liðsheildar og eflingu nútímalegrar stjórnunar. Viðkomandi er leiðandi í að efla jákvæða vinnustaðamenningu, samskipti og vellíðan starfsfólks.

Ef þú hefur ástríðu fyrir mannauðsmálum og vilt hafa áhrif á þróun og vöxt Heilsugæslu höfuðborgarsvæðisins til framtíðar, þá er þetta starfið fyrir þig.

Helstu verkefni og ábyrgð

Forysta og stefnumótun, innleiðing og eftirfylgni stefnu, skipulagning og samhæfing mannauðsmála.
Ráðgjöf og stuðningur við stjórnendur og starfsfólk.
Árangursmælingar og yfirumsjón með greiningu og eftirfylgni á lykiltölum mannauðsmála.
Ábyrgð á framfylgd vinnustaðagreininga og eftirfylgni í samvinnu við stjórnendur.
Yfirumsjón með ráðningum.
Ábyrgð á starfsumhverfismálum og starfsþróun.
Ábyrgð á sviði kjaramála, stofnanasamninga og samskipti við stéttarfélög.
Leiðir mótun og eftirfylgni jafnréttis- og mannréttindastefnu.
Leiðandi í að efla jákvæða vinnustaðamenningu, samskipti og vellíðan starfsfólks.

Menntunar- og hæfniskröfur

Háskólapróf, meistaragráða sem n‎ýtist í starfi.
Framúrskarandi leiðtogahæfni, samskiptafærni, samningatækni og hæfni til ákvarðanatöku.
Reynsla af mannauðsstjórnun og víðtæk þekking á mannauðsmálum.
Reynsla af stefnumótun og framkvæmd hennar.
Farsæl reynsla af stjórnun, þekking og skilningur á rekstri.
Góð þekking á kjarasamningum er kostur.
Frumkvæði, metnaður og sjálfstæði í starfi.
Ögun í vinnubrögðum og auga fyrir tækifærum til úrbóta.
Reynsla til að greina gögn og miðla upplýsingum.
Gott vald á íslensku og ensku og færni til tjáningar í ræðu og riti.

Við bjóðum:

Tækifæri til að hafa áhrif á þróun og vöxt Heilsugæslunnar á höfuðborgarsvæðinu.
Krefjandi og fjölbreytt verkefni í uppbyggingu heilbrigðisþjónustu.
Hvetjandi og faglegt starfsumhverfi með áherslu á þverfaglega teymisvinnu, samstarf og vellíðan starfsfólks.

Nánari upplýsingar um starfsemina má finna á vef Heilsugæslunnar (www.heilsugaeslan.is).

Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.

Starfshlutfall er 100%

Nánar um ferlið:
Umsækjendur skulu senda inn ferilskrá ásamt kynningarbréfi (hámark 1 bls.), á íslensku. Þar skal gera grein fyrir þeirri þekkingu, reynslu og hæfni umsækjanda sem nýtist til að sinna starfinu í samræmi við hæfniskröfur í auglýsingu.

Umsóknir á erlendum tungumálum, án kynningarbréfa eða án ferilskráa verða ekki teknar til greina. Einnig skal fylgja umsókn staðfesting á prófgráðum. Við ákvörðun um boðun í starfsviðtal verður sérstaklega horft til gæða umsóknargagna.

Umsækjendum sem komast lengra áfram í ráðningarferlinu verður gert að leysa verkefni. Auk annarra hæfnisþátta koma verkefnin heildstætt inn í mat á hæfni umsækjenda til að sinna starfinu. Við ákvörðun um ráðningu verður, auk framangreindra hæfnisviðmiða, tekið mið af frammistöðu í starfsviðtali og umsagna sem aflað er.

Umsóknarfrestur er til og með 22. september næstkomandi.

Við hvetjum metnaðarfulla einstaklinga til að sækja um, óháð kyni og uppruna.

Umsjón með starfinu hafa Auður Bjarnadóttir ([email protected]) og Hilmar G. Hjaltason ([email protected]).

Utworzono ofertę pracy5. September 2025

Termin nadsyłania podań22. September 2025

Znajomość języków