Eimskip

Hlutverk Eimskips er að veita áreiðanlegar heildarlausnir í flutningum á sjálfbæran hátt með árangur viðskiptavina að leiðarljósi. Við höfum verið traustur samstarfsaðili í alþjóðlegum flutningum frá árinu 1914 og rekum 56 skrifstofur í 20 löndum með um 1.700 starfsmönnum. Við tryggjum viðskiptavinum okkar áreiðanlegar heildarlausnir í flutningum meðal annars með áætlunarsiglingum og rekstri gáma- og frystiskipa í Norður-Atlantshafi, hafnarþjónustu, landflutningum, vöruhúsa- og frystigeymsluþjónustu og alþjóðlegu skrifstofuneti í flutningsmiðlun. Hjá Eimskip er lögð sérstök áhersla á að skapa jákvæða menningu með sterkri liðsheild, tækifærum til þróunar, hvatningu til að sýna frumkvæði, opnum skoðanaskiptum og góðri miðlun upplýsinga.

Profil pracodawcy

Forstöðumaður öryggis- og forvarnamála – Eimskip

Viltu leiða öryggis- og forvarnamál í einu fjölbreyttasta rekstrarumhverfi landsins?

Eimskip leitar að metnaðarfullum einstaklingi með víðtæka þekkingu og reynslu á sviði öryggis- og vinnuverndarmála. Viðkomandi þarf að hafa hæfni til að fá fólk með sér, leiða umbætur og efla öryggismenningu félagsins.

Um er að ræða lykilstarf með víðtæka ábyrgð á stefnumótun, framkvæmd og eftirfylgni öryggis-, vinnuverndar- og forvarnamála félagsins þvert á starfsemina. Starfið spannar fjölbreytt alþjóðlegt rekstrarumhverfi og felur í sér náið samstarf við stjórnendur og starfsfólk.

Starfið heyrir undir framkvæmdastjóra Rekstrarsviðs.

Helstu verkefni og ábyrgð

Heildarábyrgð á öryggis-, vinnuverndar- og forvarnamálum félagsins
Rekstur og þróun öryggisdeildar
Leiða áhættumat, greiningu slysa, frávika og eftirfylgni úrbóta
Tryggja að starfsemin uppfylli lög, reglur og viðeigandi staðla
Veita stjórnendum ráðgjöf og stuðning í öryggis-, vinnuverndar- og forvarnamálum
Ábyrgð á öryggisstjórnunarkerfum félagsins
Yfirumsjón með tjónavinnslu og samskiptum við hagaðila innan og utan félagsins
Ábyrgð á fræðslu, þjálfun og vitundarvakningu á sviði öryggis og forvarna

Menntunar- og hæfniskröfur

Reynslu af öryggis-, vinnuverndar- eða forvarnastarfi
Reynslu af stjórnun og verkefnastýringu
Framúrskarandi leiðtogahæfileika og sterka samskiptahæfni
Hæfni til að fá fólk með sér og leiða breytingar sem skila árangri
Sterkan rekstrarskilning og hæfni til að tengja stefnu og framkvæmd
Öfluga greiningarhæfni og getu til að ná yfirsýn yfir flókið rekstrarumhverfi
Frumkvæði, sjálfstæði og drifkraft
Mjög góða færni í íslensku og ensku, í ræðu og riti
Háskólamenntun sem nýtist í starfi

Fríðindi í starfi

Heitur matur í hádeginu, fjölbreytt verkefni og góður starfsandi í samhentu teymi.
Aðgangur að öflugu starfsmannafélagi sem m.a. rekur frábær orlofshús um allt land
Heilsu- og hamingjupakki sem inniheldur samgöngustyrk og styrki fyrir líkamsrækt, sálfræðiþjónustu og fleira.

Um Eimskip

Eimskip hefur verið traustur samstarfsaðili í alþjóðlegum flutningum frá árinu 1914. Félagið rekur 56 skrifstofur í 20 löndum og hjá fyrirtækinu starfa um 1.700 manns. Eimskip veitir viðskiptavinum sínum heildarlausnir í flutningum, meðal annars með áætlunarsiglingum og rekstri gáma- og frystiskipa í Norður Atlantshafi, hafnarþjónustu, landflutningum, vöruhúsa- og frystigeymsluþjónustu og alþjóðlegu skrifstofuneti í flutningsmiðlun.

Nánari upplýsingar

Sverrir Briem – [email protected]

Umsóknarfrestur er til og með 20. september 2026

Í anda jafnréttisstefnu Eimskips eru öll kyn hvött til að sækja um. Öllum umsóknum verður svarað og farið með þær sem trúnaðarmál.

Hreint sakavottorð og 18 ára aldur er skilyrði fyrir ráðningu hjá Eimskip.

Utworzono ofertę pracy2. September 2026

Termin nadsyłania podań20. September 2026

Znajomość języków