Samhjálp

Samhjálp félagasamtök er almannaheillafélag sem rekið er án hagnaðarsjónarmiða og með kristileg gildi að leiðarljósi. Tilgangur og markmið félagsins er að veita bjargir til þeirra einstaklinga sem halloka hafa farið í lífinu, vegna sjúkdóma, fátæktar eða annarra samfélagslegra vandamála og stuðla að velferð og sjálfsbjörg þeirra.

Profil pracodawcy

Forstöðumaður í Hlaðgerðarkoti

Samhjálp leitar að drífandi forstöðumanni til að leiða öflugt teymi á meðferðarheimilinu Hlaðgerðarkoti.

Hlaðgerðarkot er elsta starfandi meðferðarheimili landsins, staðsett í fallegri náttúru Mosfellsdals. Í Hlaðgerðarkoti starfar reynslumikið teymi áfengis- og vímuefnaráðgjafa, læknis, hjúkrunarfræðings auk annarra sérfræðinga sem hafa sérhæft sig í vinnu með einstaklingum með fíknivanda. Meðferðin byggir m.a. á fræðslu, hópastarfi, einstaklingsviðtölum og sjálfsvinnu þar sem áhersla er lögð á ábyrgð, von og ný tækifæri.

Helstu verkefni og ábyrgð

Ábyrgð á daglegum rekstri og stjórnun Hlaðgerðarkots
Stuðla að öflugri liðsheild, góðum samskiptum og heilbrigðu starfsumhverfi
Ábyrgð á fjárhags- og starfsáætlun
Ábyrgð á undirbúningi stefnumótunar í samráði við framkvæmdastjóra, þekkingaröflun og þróunarstarfi
Forstöðumaður er hluti af stjórnendateymi Samhjálpar
Bera ábyrgð á að þjónusta Hlaðgerðarkots uppfylli lög, reglugerðir um rekstur heilbrigðisþjónustu, faglegar gæðakröfur og stuðlar að virku innra eftirliti og stöðugum umbótum

Menntunar- og hæfniskröfur

Menntun sem nýtist í starfi og/eða sambærileg og viðeigandi starfsreynsla
Farsæl stjórnunarreynsla og reynsla af mannaforráðum
Þekking og reynsla af rekstri
Þekking og reynsla af velferðarmálum
Framúrskarandi samskipta- og leiðtogahæfni
Framsýni, metnaður, skipulagshæfileikar, sjálfstæð vinnubrögð og geta til að vinna undir álagi
Lausnamiðuð hugsun, frumkvæði og færni til að byggja upp traust og góð tengsl við ólíkt fólk
Geta samsamað sig gildum og tilgangi starfseminnar

Nánari upplýsingar

Þórdís Sif Arnarsdóttir – [email protected]

Utworzono ofertę pracy8. September 2026

Termin nadsyłania podań23. September 2026

Znajomość języków