Í Skálahlíð vinnur kraftmikill og metnaðarfullur starfshópur sem hefur metnað fyrir því að veita góðan stuðning við íbúa Skálahlíðar. Mikil þróunarvinna á sér stað í Skálahlíð um þessar mundir og þar eru spennandi tækifæri fyrir öflugt starfsfólk. Starfsfólk vinnur eftir hugmyndafræði um sjálfstætt líf og þjónandi leiðsögn. Samningur Sameinuðu þjóðanna um réttindi fatlaðs fólks er ávallt hafður að leiðarljósi í störfum búsetukjarnanna. Lögð er áhersla á að starfsfólk myndi öfluga liðsheild sem veiti framúrskarandi þjónustu á sviði velferðar, til hagsbóta fyrir þá sem hennar njóta.