Ívera ehf.

Ívera býður fjölbreytt úrval leiguíbúða fyrir einstaklinga og fjölskyldur á höfuðborgarsvæðinu og víða um land. Okkar sýn er að veita góða þjónustu sem einfaldar og bætir líf viðskiptavina okkar – bæði í dag og í framtíðinni

Profil pracodawcy

Bókari

Ívera ehf. leitar að metnaðarfullum og öflugum bókara í fullt starf til að sinna daglegum verkefnum í bókhaldi.

Leitað er að einstaklingi sem á auðvelt með mannleg samskipti og vinnur af jákvæðni og samviskusemi. Um er að ræða skemmtilegt og gefandi starf þar sem unnið er í nánu samstarfi við fjármálastjóra og fjölbreyttan hóp starfsmanna félagsins.

Hjá Íveru starfa 18 einstaklingar með fjölbreytta reynslu og þekkingu á tveimur starfsstöðvum í Kópavogi og á Ásbrú. Félagið er með um 1.700 íbúðir í útleigu víðs vegar um landið og er í örum vexti, með metnaðarfull áform um áframhaldandi uppbyggingu á íbúðamarkaði.

Helstu verkefni og ábyrgð

Daglegar bókanir og afstemmingar
Umsjón með lánardrottna- og viðskiptamannabókhaldi
Undirbúningur bókhalds fyrir mánaðarleg uppgjör
Ábyrgð á umsóknum um endurgreiðslu VSK af vinnu
Önnur tengd og tilfallandi verkefni

Menntunar- og hæfniskröfur

Góð þekking á bókhaldi
Viðurkenndur bókari er kostur
Reynsla á Dynamics 365 Business Central (BC) er kostur
Góð færni í Excel og almenn tölvukunnátta
Geta til að vinna sjálfstætt og bera ábyrgð á eigin verkefnum
Frumkvæði og lausnarmiðað viðhorf
Áhugi á að nýta tækni til að einfalda og bæta ferla

Ívera býður fjölbreytt úrval leiguíbúða fyrir einstaklinga og fjölskyldur á höfuðborgarsvæðinu og víða um land. Sýn félagsins er að veita framúrskarandi þjónustu sem einfaldar og bætir líf viðskiptavina – bæði í dag og til framtíðar.

Ívera leggur ríka áherslu á að starfsfólk sé heiðarlegt og hæft til þeirra verka sem því eru falin. Vinnuumhverfið byggir á fjölbreytileika, jafnrétti og gagnkvæmri virðingu, þar sem hver og einn fær tækifæri til að vaxa og þróast í starfi.

Utworzono ofertę pracy9. April 2026

Termin nadsyłania podań19. April 2026

Znajomość języków