Atferlisfræðingur - Skarðshlíðarskóli

Við auglýsum eftir drífandi og kraftmiklum atferlisfræðingi til að taka þátt í metnaðarfullu skólastarfi með okkur. Ráðið er í stöðuna frá 1. ágúst 2025.

Skarðshlíðarskóli óskar eftir drífandi og kraftmiklum atferlisfræðingi til að taka þátt í metnaðarfullu skólastarfi. Gildi skólans eru samvinna, vinátta og þrautseigja.

Í Skarðshlíðarskóla eru áhugasamir og skemmtilegir nemendur, metnaðarfullt starfsfólk og öflugur foreldrahópur. Við leggjum áherslu á góðan starfsanda, teymiskennslu, fjölbreytta kennsluhætti, SMT skólafærni og að allir nemendur nái góðum árangri í leik og starfi. Mílan er órjúfanlegur hluti af skólastarfinu en í því felst að nemendur og starfsfólk fer út daglega og gengur, skokkar eða hleypur í 15 mínútur.

Innleiðing á UDL (Universal Design for Learning) hófst haustið 2020. UDL veitir nemendum möguleika á að læra á ólíka vegu og að sýna kunnáttu sína á ólíka hátt. Nemendur eru virkir og hafa áhrif á eigið nám.

Skarðshlíðarskóli er heildstæður grunnskóli með nemendur í 1.-10. bekk. Í vetur eru um 490 nemendur í skólanum. Skólahúsnæðið er glæsilegt og er skólinn vel tækjum búinn, með íþróttahús, útibú frá Tónlistarskóla Hafnarfjarðar og fjögurra deilda leikskóli í samtengdu skólahúsnæði.

Helstu verkefni og ábyrgð:

• Atferlisgreining og atferlisþjálfun nemenda.
• Áhorf í skólaumhverfi og móta íhlutunaráætlanir í samráði við kennara og stoðteymi.
• Útbúa sjónrænt skipulag, umbunarkerfi og aðrar hagnýtar lausnir.
• Samvinna og ráðgjöf til stjórnenda, kennara og starfsfólks skólans.
• Ráðgjöf og stuðningur við nemendur og foreldra þeirra sem hluti af heildstæðri íhlutun.
• Þáttaka í þverfaglegri teymisvinnu eftir þörfum
• Vinna með félagsfærni og aðlaga námefni og námsaðstæður
• Stuðla að velferð nemenda í samstarfi við foreldra og annað fagfólk
• Vinna að því að skapa gott andrúmsloft í skólanum og tryggja öryggi og velferð nemenda og starfsfólks
• Önnur verkefni skv. starfslýsingu og sem yfirmaður felur starfsmanni

Menntunar- og hæfniskröfur:

• B.A/B.S/B.ed. próf á sviði heilbrigðis-, mennta- eða félagsvísinda.
• M.A/M.S í hagnýtri atferlisgreiningu
• Þekking á SMT æskileg
• Lipurð í samskiptum, sveigjanleiki og samstarfshæfni
• Frumkvæði og sjálfstæði í vinnubrögðum
• Jákvæðni og áhugi á að starfa í skapandi og metnaðarfullu umhverfi
• Stundvísi og samviskusemi
• Mjög góða íslenskukunnátta

Skilyrði við ráðningu er að viðkomandi hafi hreint sakavottorð

Nánari upplýsingar veitir Ingibjörg Magnúsdóttir, skólastjóri, í síma 6645871 eða í tölvupósti [email protected]

Umsóknarfrestur er til 18. júní 2025.

Greinagóð ferilskrá fylgi umsókn.

Launakjör eru samkvæmt kjarasamningi Sambands íslenskra sveitarfélaga og viðkomandi stéttarfélags

Vakin er athygli á stefnu Hafnarfjarðarbæjar að jafna hlutfall kynjanna í störfum hjá bænum og að vinnustaðir bæjarins endurspegli fjölbreytileika samfélagsins.