Sveitarfélagið Hornafjörður

VELKOMIN TIL HORNAFJARÐAR – ÞAR SEM NÁTTÚRAN, SAMFÉLAGIÐ OG FRAMTÍÐIN MÆTAST -------- Í Hornafirði býðst þér einstakt tækifæri til að lifa og starfa í einu af öflugustu og fallegustu sveitarfélögum landsins. Hér móta jöklar, fjöll og strandlengja stórbrotið landslag sem veitir bæði innblástur og ró. Hornafjörður er barnvænt, öruggt og samhent samfélag með öfluga skóla, fjölbreytt tómstundastarf og trausta innviði. Uppbygging er í fullum gangi – í atvinnulífi, þjónustu og menningu – og framtíðin björt. Hjá Sveitarfélaginu Hornafirði starfar öflugur og samheldin hópur fólks með metnað fyrir framtíð sveitarfélagsins. Íbúar í Hornafirði eru í dag rúmlega 2800 og hefur fjölgun síðustu ára verið á forsendum verðmætasköpunar en mikil uppbygging á sér nú stað í sveitarfélaginu. Ef þú leitar að lífsgæðum, nánara sambandi við náttúruna og samfélagi þar sem framlag þitt skiptir máli – þá er Hornafjörður rétti staðurinn fyrir þig.

About

Yfirfélagsráðgjafi fjölskyldu- og félagsþjónustu

Velferðarsvið Sveitarfélagsins Hornafjarðar óskar eftir að ráða metnaðarfullan félagsráðgjafa í 100% stöðu yfirfélagsráðgjafa hjá fjölskyldu- og félagsþjónustu velferðarsviðs.

Velferðarsvið er staðsett í þjónustumiðstöðinni Miðgarði að Víkurbraut 24 sem hýsir fjölskyldu- og félagsþjónustu og stuðnings- og virkniþjónustu sveitarfélagsins.

Helstu verkefni og ábyrgð

Ábyrgð á úrræðum í félagsþjónustu og barnaverndarþjónustu
Stýrir afgreiðslu- og meðferðarfundum barnaverndarþjónustu BFSH f.h. Sveitarfélagsins Hornafjarðar
Úthlutar verkefnum til ráðgjafa BFSH í samstarfi við sviðsstjóra
Ábyrgð á greiðslum fjárhagsaðstoðar og sérstaks húsnæðisstuðnings
Félagsleg ráðgjöf til einstaklinga
Málstjórn í félagsþjónustu og barnavernd
Málstjórn í stuðningsteymum farsældar
Tengiliður farsældar hjá félagsþjónustu

Menntunar- og hæfniskröfur

Starfsréttindi sem félagsráðgjafi frá landlækni er skilyrði
Framhaldsnám á háskólastigi sem nýtist í starfi er kostur
Reynsla af vinnu í félagsþjónustu eða barnavernd er kostur
Reynsla af verkefnastýringu er kostur
Skipulögð, sjálfstæð og fagleg vinnubrögð
Góð almenn tölvukunnátta
Íslenska B2 skv. samevrópska tungumálarammanum
Framúrskarandi hæfni í mannlegum samskiptum
Hreint sakavottorð

Velferðarsvið Sveitarfélagsins Hornafjarðar er staðsett í Miðgarði þjónustumiðstöð. Fjölskyldu- og félagsþjónusta sinnir félagslegri ráðgjöf, ráðgjöf við börn, ungmenni og fjölskyldur þeirra, ráðgjöf við erlenda íbúa, fjölmenningu og Barnaverndarþjónustu Fjarðabyggðar og Sveitarfélagsins Hornafjarðar. Innan sviðsins starfar fjölbreyttur og öflugur hópur sem hefur það að markmiði að efla fólk til sjálfshjálpar.

Um er að ræða 100% starf . Umsækjendur þurfa að geta hafið störf í 1 febrúar 2026. Laun eru samkvæmt kjarasamning viðeigandi stéttarfélags og Samband Íslenskra sveitarfélaga.

Umsóknarfrestur er til og með 16. nóvember 2025. Umsókn skal fylgja ferilskrá sem inniheldur upplýsingar m.a. um menntun, fyrri störf og umsagnaraðila.

Öllum umsóknum verður svarað þegar ákvörðun um ráðningu liggur fyrir. Umsóknir gilda í 6 mánuði frá því að umsóknarfrestur rennur út. Öll kyn hvött til að sækja um.

Óskir um frekari upplýsingar og umsóknir skal senda á netfangið: [email protected]

Advertisement published28. October 2025

Application deadline16. November 2025

Language skills