Vogaskóli - kennari í sérdeild

Vogaskóli auglýsir eftir kennara í sérdeild fyrir einhverfa nemendur. Leitað er eftir metnaðarfullum, sjálfstæðum og drífandi kennara sem er tilbúinn til að sinna kennslu í sérdeild fyrir einhverfa nemendur.
Vogaskóli er heildstæður grunnskóli með um 410 nemendur og um 80 starfsmenn. Skólinn er staðsettur við Skeiðarvog í Vogahverfinu í Reykjavík. Unnið er eftir menntastefnu Reykjavíkur ,,Látum draumana rætast“, uppbyggingarstefnunni og verið er að innleiða aðferðir leiðsagnarnáms. Í skólanum ríkir jákvæður skólabragur sem einkennist af virðingu, samkennd, samvinnu, gleði og ábyrgð.