Vörustjóri CRM í Microsoft Dynamics 365

Verkefnahús stafrænnar þróunar og upplýsingatækni leitar að kröftugum og drífandi einstaklingi til að taka að sér hlutverk Vörustjóra CRM í Dynamics 365 hjá Isavia. Verkefnahús hefur það hlutverk að stýra verkefnum er varða innleiðingu nýrra tæknilausna innan sviðsins og þvert á fyrirtækið. Viðkomandi mun móta, byggja upp og leiða þróun á CRM umhverfi félagsins í samstarfi við stjórnendur og sérfræðinga. Ef þú hefur ástríðu fyrir stafrænni þróun og vilt taka þátt í að móta framtíð Keflavíkurflugvallar, þá er þetta tækifærið fyrir þig!

Helstu verkefni:

• Móta stefnu og áætlanir fyrir CRM umhverfi Isavia í samvinnu við helstu hagaðila
• Stýra þróun og innleiðingu uppfærslna og nýrra eiginleika CRM
• Skipulagning og framkvæmd þjálfunar fyrir notendur
• Þarfagreining ásamt stuðningi, eftirfylgni og ráðgjöf til hagaðila
• Vera talsmaður CRM umhverfisins innan starfseminnar og veita stjórnendum og hagaðilum upplýsingar um nýjungar og sóknartækifæri

Menntunar- og hæfniskröfur:

• Háskólamenntun sem nýtist í starfi
• Reynsla af vörustjórnun CRM lausna
• Þekking á Microsoft Dynamics 365 er mikill kostur
• Góð þekking á viðskiptaferlum og greiningu þeirra
• Sterk leiðtogahæfni og hæfni til að vinna í teymi
• Mikil hæfni í mannlegum samskiptum

Starfsstöð er í Hafnarfirði.

Isavia er vinnustaður þar sem við sýnum hvert öðru virðingu og erum heiðarleg gagnvart sjálfum okkur og öðrum. Við gætum þess að viðhalda gleðinni, erum hugrökk, uppbyggileg og tökum ábyrgð á eigin frammistöðu. Saman náum við árangri.

Við bjóðum upp á hollan og góðan mat í mötuneytum okkar, farsímaáskrift og allt starfsfólk hefur aðgang að heilsu- og líkamsræktarstöðvum sér að kostnaðarlausu.

Umsóknarfrestur er til og með 5.desember 2024.

Frekari upplýsingar um starfið veitir Ásta Lára Jónsdóttir, deildarstjóri í gegnum netfangið asta.lara@isavia.is

Umsóknum skal fylgja ferilskrá ásamt kynningarbréfi með rökstuðningi um hæfni viðkomandi í starfið.

Við hvetjum áhugasama aðila, án tillits til kyns og uppruna, til að sækja um.