Sveitarfélagið Hornafjörður

VELKOMIN TIL HORNAFJARÐAR – ÞAR SEM NÁTTÚRAN, SAMFÉLAGIÐ OG FRAMTÍÐIN MÆTAST -------- Í Hornafirði býðst þér einstakt tækifæri til að lifa og starfa í einu af öflugustu og fallegustu sveitarfélögum landsins. Hér móta jöklar, fjöll og strandlengja stórbrotið landslag sem veitir bæði innblástur og ró. Hornafjörður er barnvænt, öruggt og samhent samfélag með öfluga skóla, fjölbreytt tómstundastarf og trausta innviði. Uppbygging er í fullum gangi – í atvinnulífi, þjónustu og menningu – og framtíðin björt. Hjá Sveitarfélaginu Hornafirði starfar öflugur og samheldin hópur fólks með metnað fyrir framtíð sveitarfélagsins. Íbúar í Hornafirði eru í dag rúmlega 2800 og hefur fjölgun síðustu ára verið á forsendum verðmætasköpunar en mikil uppbygging á sér nú stað í sveitarfélaginu. Ef þú leitar að lífsgæðum, nánara sambandi við náttúruna og samfélagi þar sem framlag þitt skiptir máli – þá er Hornafjörður rétti staðurinn fyrir þig.

About

Vilt þú hafa áhrif á framtíð Hornafjarðar?

Við leitum að öflugum, framsýnum og skipulögðum leiðtoga. Auglýst er eftir deildarstjóra skipulags-, umhverfis- og byggingardeildar, sem jafnframt gegnir hlutverki skipulagsfulltrúa.

Um er að ræða lykilhlutverk í uppbyggingu og mótun sjálfbæra og blómlega framtíð samfélagsins á einstökum stað. Ertu tilbúinn að takast á við krefjandi verkefni og leiða mikilvæga þróun?

Helstu verkefni og ábyrgð

Umsjón með öflugu teymi sem samanstendur af umhverfisfulltrúa, byggingarfulltrúa og verkefnastjóra umhverfis- og skipulagsmála.
Yfirumsjón með öllum skipulagsmálum sveitarfélagsins, þar á meðal gerð og endurskoðun aðal- og deiliskipulags í samræmi við sýn sveitarfélagsins.
Undirbúningur mála fyrir umhverfis- og skipulagsnefnd, útgáfa framkvæmdaleyfa og túlkun skipulagsskilmála.
Umsjón með landupplýsingakerfum, kortagrunnum og úthlutun lóða, ásamt utanumhaldi landeigna.
Gerð umsagna um laga- og reglugerðarbreytingar og eftirlit með skipulagsmálum aðliggjandi sveitarfélaga.

Menntunar- og hæfniskröfur

Háskólamenntun sem nýtist í starfi er skilyrði.
Umsækjandi þarf að uppfylla hæfisskilyrði 5. mgr. 7. gr. skipulagslaga nr. 123/2010.
Reynsla af skipulagsmálum er nauðsynleg. Reynsla af opinberri stjórnsýslu og mannaforráðum er stór kostur.
Jákvæðni, lipurð í samskiptum, rík þjónustulund og hæfni til að miðla flóknum upplýsingum á skýran hátt.
Drifkraftur, sjálfstæð vinnubrögð og mjög góð færni í íslensku.
Góð tölvukunnátta og þekking á upplýsingatækni sem tengist starfssviðinu.

Við hvetjum einnig einstaklinga sem uppfylla ekki hæfisskilyrði skipulagslaga, en uppfylla önnur skilyrði, til að sækja um. Í þeim tilfellum kemur til greina tímabundin ráðning á grundvelli undanþágu ráðherra skv. 6.mgr. 7.gr. skipulagslaga.

Sveitarfélagið Hornafjörður er kraftmikið samfélag þar sem náttúra og atvinnulíf spila saman á einstakan hátt. Við bjóðum upp á krefjandi verkefni og tækifæri til að hafa raunveruleg áhrif.

Umsóknum skal skilað inn til Barteks Andressonar Kass sviðsstjóra umhverfis- og framkvæmdasviðs á tölvupóstfangið [email protected].

Umsóknarfrestur er til og með 7. júní nk.

Nánari upplýsingar veitir Bartek Andresson Kass sviðsstjóri umhverfis- og framkvæmdasviðs - [email protected].

Áskilinn er réttur til að hafna öllum umsóknum.

Advertisement published15. May 2026

Application deadlineNo deadline

Language skills