Síminn

Síminn er traust og framsækið fyrirtæki á sviði fjarskipta og afþreyinga sem vill laða til sín framúrskarandi starfsfólk. Við erum fjölskylduvænn vinnustaður og leggjum áherslu á sterka liðsheild, hvetjandi starfsumhverfi og tækifæri til starfsþróunar og vaxtar. Hjá okkur hefur þú aðgang að framúrskarandi mötuneyti, fyrsta flokks kaffihúsi ásamt frábæru samstarfsfólki auk þess sem boðið er upp á búningsaðstöðu fyrir starfsfólk. Við viljum hafa gaman í vinnunni og bjóðum reglulega upp á fjölbreytta innanhúss viðburði af ýmsu tagi. Ef þú ert að leita að spennandi verkefnum, frábæru samstarfsfólki og lifandi vinnuumhverfi þá er Síminn góður kostur fyrir þig. Síminn hlaut jafnlaunavottun Jafnréttisstofu árið 2018, fyrst allra fjarskiptafyrirtækja á Íslandi. Í anda jafnréttisstefnu Símans hvetjum við öll kyn til að sækja um hjá Simanum. Gildi Símans eru skapandi, fagleg og árangursdrifin.

About

Við leitum að sölustjóra á einstaklingssviði

Síminn leitar að árangursmiðuðum og drífandi sölustjóra til að leiða söluaðgerðir og árangur á einstaklingssviði Símans.

Sölustjóri ber ábyrgð á gerð og framkvæmd söluáætlana sem og að leiða söluaðgerðir á einstaklingsmarkaði. Viðkomandi vinnur náið með forstöðumanni sölu og þjónustuupplifunar og er í lykilhlutverki til að tryggja hámarksárangur söluteyma innan Símans.

Ef þú brennur fyrir sölu og átt auðvelt með að sjá tækifæri og lausnir þá gæti þetta verið rétta starfið fyrir þig.

Helstu verkefni og ábyrgð

Gerð og eftirfylgni með söluáætlunum fyrir sölueiningar Símans á einstaklingsmarkaði
Leiða söluaðgerðir, allt frá hugmyndavinnu til útfærslu
Finna og greina ný sölutækifæri
Mælingar og greiningar á árangri söluaðgerða
Samstarf við stjórnendur sölu og þjónustu um innleiðingu söluverkferla, skýrslugerðar og fleira
Samstarf við markaðsdeild og vöruþróunarteymi Símans

Menntunar- og hæfniskröfur

Menntun og/eða reynsla sem nýtist í starfi
Reynsla og færni í sölu og söluaðgerðum er skilyrði
Reynsla af stýringu og mótun söluaðgerða er kostur
Frumkvæði og lausnarmiðuð hugsun
Framúrskarandi færni í mannlegum samskiptum
Skilvirk og skipulögð vinnubrögð, yfirsýn og sjálfstæði
Reynsla og áhugi á íslenskum fjarskiptamarkaði er kostur

Fríðindi í starfi

Árlegur líkamsræktarstyrkur 
Aðgengi að velferðarþjónustu Heilsuverndar 
Rafmagnsbílastæði, hjólageymslur og búningsaðstaða 
Gleraugnastyrkur 
Afslættir af vörum og þjónustu Símans 
Samgöngustyrkur vegna vistvænna samgangna til og frá vinnu 
Námsstyrkir

Síðan 1906 hefur Síminn tengt heimili og fyrirtæki á Íslandi við umheiminn. Hjá Símanum starfa um 300 einstaklingar sem hafa metnað og þekkingu til að veita framúrskarandi þjónustu byggða á fyrsta flokks tækni. Við byggjum á sterkri liðsheild og kunnum að meta árangursdrifið og lausnamiðað hugarfar. Síminn vill laða til sín framúrskarandi starfsfólk og lögð er mikil áhersla á vellíðan, hvetjandi umhverfi, tækifæri til vaxtar, jafnrétti og fjölbreytileika.

Sótt er um starfið á vef Símans. Umsóknarfrestur er til og með 24. júní 2025.

Nánari upplýsingar veitir [email protected]

Í anda jafnréttisstefnu Símans hvetjum við öll kyn til að sækja um.

Advertisement published15. June 2025

Application deadline24. June 2025

Language skills