Við byggjum upp samfélög – vilt þú taka þátt?
Verkís leitar að hönnuðum sem vilja móta innviði framtíðar
Innviðir eru ósýnilegur en ómissandi grunnur samfélagsins.
Vegir, götur, stígar, brýr og flugvellir sem tengja fólk saman.
Veitukerfin halda samfélaginu gangandi með aðgengi að heitu og köldu vatni og fráveitan tekur við, leiðir og hreinsar, sama hvernig viðrar.
Hjá Verkís vinnum við að hönnun innviða sem skipta máli. Við vinnum fyrir sveitarfélög, opinbera aðila, orkufyrirtæki og aðra verkkaupa með ólíkar þarfir. Hvort heldur sem er þéttbýli eða dreifbýli, frá samgöngumannvirkjum til veitukerfa og blágrænna ofanvatnslausna.
Við leitum nú að hönnuðum sem vilja taka þátt í uppbyggingu samfélags framtíðarinnar.
Starfið felur í sér þátttöku í fjölbreyttum verkefnum á sviði innviða, þar sem áhersla er á faglega hönnun, samvinnu og lausnamiðaða hugsun. Verkefnin geta m.a. falið í sér:
- Hönnun innviða á sviði samgangna og/eða veitna.
- Hönnun vega, gatna, stíga, brúa, flugvalla og tengdra mannvirkja eða
hönnun veitukerfa, fráveitna og ofanvatnslausna. - Greiningar, líkangerð og útfærslu lausna í þverfaglegu teymi.
- Samræmingu hönnunar og þátttöku í verkefnum fyrir fjölbreytta verkkaupa.
- Þátttöku í uppbyggingu hverfa, svæða og samfélaga með sjálfbærni og framtíðarsýn að leiðarljósi.
Verkefni og áherslur ráðast að hluta af þinni reynslu og áhugasviði – við leggjum áherslu á að fólk fái að vaxa í starfi.
- Menntun í verkfræði, tæknifræði eða skyldum greinum er mikilvæg.
- Reynsla af hönnun innviða er kostur, en ekki skilyrði.
- Þekking á hönnunarforritum, BIM, 3D eða líkangerð er kostur.
- Góð samskiptafærni, faglegur metnaður og vilji til að læra skipta miklu máli.
- Gott vald á íslensku og ensku.
Ef þú uppfyllir ekki allt að ofan, en finnur að þetta talar til þín, hvetjum við þig engu að síður til að sækja um.
English
Icelandic
