Sérhæft þjónustufyrirtæki í orkuiðnaði: RST Net (rst.is) hefur síðan 1998 veitt sérhæfða þjónustu við raf- og vélbúnað í orkuiðnaði, þ.e. orkuverum, flutnings- og dreifikerfum ásamt stóriðju og iðjuverum. Þessi þjónusta snertir flesta, en fáir gera sér grein fyrir tilveru þessa mikilvæga fyrirtækis. RST Net tekur að sér hluta eða alla framkvæmd á uppsetningu á nýjum raf- og vélbúnaði í orkuiðnaði. Fyrirtækið er brautryðjandi í mælingum og prófunum á raforkubúnaði og býður upp á lausnir til að auka rekstraröryggi, bæta nýtingu búnaðar og auka gæði raforkunotkunar. RST Net hannar, smíðar og framleiðir búnað fyrir raforkudreifingu, auk umboðssölu á sérhæfðum búnaði, varahlutum og efni fyrir orkuver, flutnings- og dreifikerfi. Starfsemin fer fram í sérhönnuðu húsnæði fyrir fyrirtækið að Álfhellu 6 í Hafnarfirði. Hjá fyrirtækinu starfar í dag u.þ.b. 40 manna fjölbreyttur hópur sérfræðinga á sviði raf- og vélbúnaðar. Starfsmenn búa yfir sérþekkingu á ástandsmati, bilanagreiningu og viðhaldi á háspennubúnaði. Mikil áhersla er lögð á endur- og símenntun starfsmanna í þeim tilgangi að geta betur tekist á við sérhæfð verkefni á raforkusviði.