Háskóli Íslands

Háskóli Íslands er einn stærsti vinnustaður landsins. Auk tæplega þrettán þúsund nemenda starfa þar rúmlega sextán hundruð fastráðnir starfsmenn og yfir tvö þúsund stundakennarar og lausráðnir starfsmenn.Megin hlutverk Háskólans er að vera vísindaleg rannsókna- og fræðslustofnun. Til þess að svo megi vera þarf fjölmarga ólíka starfsmenn. Háskóli Íslands er lifandi samfélag þar sem saman koma einstaklingar með ólíkan bakgrunn en allir vinna þó að sama marki að gera Háskóla Íslands að enn öflugri menntastofnun en hún er í dag. Markmið Háskóla Íslands er að vera í fremstu röð háskóla og að nota alþjóðlega viðurkennda mælikvarða við allt gæðamat á starfi skólans. Gerðar eru kröfur til kennara, stjórnenda og annars starfsfólks til að ná þessu markmiði. Í könnunum sem gerðar hafa verið um starfsumhverfi Háskóla Íslands kemur í ljós að starfsánægja er mikil, starfsandi góður og starfsfólk telur sig vera í góðri aðstöðu til að þróast í starfi.

About

Verkefnisstjóri hönnunar og undirbúnings framkvæmda

Laust er til umsóknar fullt starf verkefnastjóra hönnunar og undirbúnings framkvæmda við framkvæmda- og tæknisvið Háskóla Íslands.

Á skrifstofu sviðsins starfa auk sviðsstjóra verkefnisstjórar ýmissa verkefna sem viðkoma rekstri og viðhaldi fasteigna. Sviðið skiptist í þrjár deildir þ.e., bygginga- og tæknideild, rekstur fasteigna og umsjón fasteigna.

Helstu verkefni og ábyrgð

Undirbúningur, skipulagning og framkvæmd viðhalds- og framkvæmdaverkefna
Daglegur rekstur verkefna, hönnun rýma og innkaup á húsgögnum
Gerð verklýsinga og útboðsgagna, úrvinnsla tilboða og gerð samninga við verktaka
Eftirlit með byggingum og mat á ástandi þeirra
Gerð fjárhags- og framkvæmdaáætlunar

Menntunar- og hæfniskröfur

Menntun sem nýtist í starfi, t.d. á sviði arkitektúr, verkfræði, tæknifræði eða byggingafræði
Reynsla af undirbúningi og skipulagi viðhaldsverkefna og endurnýjunar á húsnæði er æskileg
Reynsla af gerð útboðsgagna og/eða samningum við verktaka er kostur
Reynsla af gerð fjárhags- og framkvæmdaáætlana er kostur
Frumkvæði, metnaður og sjálfstæði í vinnubrögðum
Góð samskiptahæfni og þjónustulund
Góð kunnátta í íslensku og ensku

Laun samkvæmt gildandi kjarasamningi sem fjármála- og efnahagsráðherra og Félag háskólakennara hafa gert.

Æskilegt er að viðkomandi geti hafið störf sem fyrst.

Eftirfarandi gögn skulu fylgja umsókn:

Ferilskrá
Kynningarbréf þar sem fjallað er um hvernig umsækjandi uppfyllir þær hæfnikröfur sem settar eru fram í auglýsingunni og hvað hann telur sig geta lagt af mörkum til starfsins
Afrit af prófskírteinum
Upplýsingar um tvo umsagnaraðila

Öllum umsóknum verður svarað og umsækjendum tilkynnt um ráðstöfun starfsins þegar ákvörðun hefur verið tekin. Umsóknir geta gilt í sex mánuði frá lokum umsóknafrests.

Við ráðningu í störf í Háskóla Íslands er tekið mið af jafnréttisáætlun skólans. Vakin er athygli á málstefnu Háskóla Íslands.

Háskóli Íslands hefur frá stofnun verið undirstaða atvinnulífs og framfara í íslensku samfélagi. HÍ er jafnframt framsækinn rannsóknarháskóli og virkur þátttakandi í alþjóðlegu vísindasamstarfi.

Háskóli Íslands er stærsti háskóli landsins og býður upp á hátt í 400 námsleiðir í grunn-, meistara- og doktorsstigi. Um 14.000 nemendur stunda nám við skólann, þar af yfir 2.000 alþjóðlegir nemar.

Við Háskóla Íslands starfa yfir 1.800 manns. Skólinn leggur áherslu á að laða til sín fjölbreyttan hóp starfsfólks og stúdenta í alþjóðlegt fræðasamfélag þar sem akademískt frelsi, fagmennska, jafnrétti, fjölbreytileiki og inngilding eru í öndvegi. 36 stunda vinnuvika hefur verið innleidd í stjórnsýslustörfum við skólann.

Nánar um Háskóla Íslands, fræðasvið hans og deildir

Nánari upplýsingar veitir

Kristinn Jóhannesson - [email protected] - 525-5288

Advertisement published8. January 2026

Application deadline19. January 2026

Language skills