Verkefnisstjóri á sviði innri og ytri skilyrða - samfélag og umhverfi

Leggðu okkur og umhverfinu lið!

Við á sviði samfélags og umhverfis leitum að öflugum teymisfélaga. Við berum virðingu fyrir náttúru landsins og ásýnd þess og leggjum áherslu á að þekkja og draga úr umhverfisáhrifum starfseminnar. Í teyminu færð þú tækifæri til að starfa í fjölbreyttu og hvetjandi starfsumhverfi og hjálpa okkur að vanda til verka í þeim stóru framkvæmdum sem nú eru í gangi og framundan eru.

Starfsstöð er í Reykjavík.

Helstu verkefni:

• Taka þátt í undirbúningi nýrra virkjana og byggingu þeirra.
• Fylgja eftir kröfum sem varða umhverfis-, leyfis- og skipulagsmál.
• Halda utan um umhverfis- og samskiptaáætlanir framkvæmdaverkefna.
• Taka þátt í umbótaverkefnum sem snúa að því að draga úr umhverfisáhrifum nýrra virkjana.

Hefur þú eftirfarandi hæfni og reynslu?

• Menntun á háskólastigi í umhverfisfræði, verkfræði eða öðrum sambærilegum greinum
• Þekking á umhverfismálum og mati á umhverfisáhrifum framkvæmda
• Reynsla af framkvæmdum eða undirbúningi framkvæmda kostur
• Skipulagsfærni, vilji til að læra og hæfni til að leysa vandamál
• Jákvætt viðhorf og sjálfstæð vinnubrögð

Hvernig vinnustaður er Landsvirkjun?

Landsvirkjun er vinnustaður þar sem öryggi og vellíðan starfsfólks er í forgangi. Við leggjum áherslu á fagmennsku, sjálfbærni og stöðugar umbætur. Þú færð tækifæri til að vinna að metnaðarfullum verkefnum sem hafa raunveruleg áhrif á samfélagið. Við styðjum við starfsfólk okkar með símenntun, sveigjanleika og góðu starfsumhverfi og menningu, þar sem jafnrétti, traust og samvinna eru í forgrunni.

Hljómar þetta spennandi?

Sendu okkur umsókn með ferilskrá og kynningarbréfi þar sem þú segir frá reynslu þinni og hvað kveikir áhuga þinn á starfinu.