Verkefnastjóri sölu- og markaðsmála hjá Mannauðslausnum

Við leitum að kraftmiklum einstaklingi til að leiða sölu- og markaðsmál Mannauðslausna. Markmið Mannauðlausna er að hjálpa vinnuveitendum að auka árangur og ánægju starfsfólks með snjallri nýtingu launa- og mannauðskerfa. Við bjóðum upp á skemmtilegt og krefjandi starfsumhverfi með fjölbreyttum tækifærum.

Teymið

Hjá okkur starfar öflugur hópur sérfræðinga með áratuga reynslu af þróun og ráðgjöf á sviði launa- og mannauðsmála. Okkar lausnir eru H3 launa- og mannauðskerfi, tímaskráningarkerfin Bakvörður og Vinnustund auk Samtals, Flóru, Matráðar og ráðningarkerfi 50skills. Verkefnastjóri sölu og markaðsmála vinnur þétt með ráðgjafateymi mannauðslausna. Í ráðgjafateyminu eru verkefnastjórar sem leiða innleiðingar nýrra viðskiptavina auk þess að byggja upp traust langtímasamband við viðskiptavinum.

Starfssvið

Starfið felur í sér að leiða og verkefnastýra sölu- og markaðsmálum Mannauðslausna, þ.e.

• Veita ráðgjöf og selja vörur Mannauðslausna sem mæta þörfum viðskiptavina
• Kortlagning á viðskiptatækifærum í takt við markaðsþróun
• Skipulag á markaðstengdum viðburðum Mannauðslausna, eins og veffundum og kynningum
• Undirbúa tilboð, loka samningum og tryggja eftirfylgni
• Byggja upp og viðhalda sterkum tengslum við nýja og núverandi viðskiptavini
• Þróa og framfylgja söluferlum í samstarfi við teymið
• Sinna öðrum tilfallandi tengdum verkefnum

Almennar hæfniskröfur

• Drifkraftur, frumkvæði og ástríða
• Skipulagshæfni og sjálfstæði í vinnubrögðum
• Framúrskarandi hæfni í mannlegum samskiptum og tengslamyndun
• Gott auga fyrir viðskiptatækifærum
• Þrautsegja við að fylgja verkefnum til enda

Þekking og reynsla

• Menntun í viðskiptafræði, markaðsfræði eða sambærileg menntun
• Reynsla af sölu og markaðsmálum
• Reynsla af verkefnastjórnun
• Þekking á CRM er kostur
• Þekking og áhugi á upplýsingatækni
• Góð færni í samningagerð
• Góð færni í Excel
• Góð íslensku- og enskukunnátta, bæði töluð og skrifuð
• Reynsla af launa og mannauðsmálum er kostur

Ef þú hefur áhuga á starfinu en uppfyllir ekki allar kröfur þá hvetjum við þig samt sem
áður til þess að sækja um, þú gætir einmitt verið einstaklingurinn sem við leitum að í
þetta eða annað starf.