Advania

Hjá Advania á Íslandi starfa um 600 sérfræðingar við að einfalda störf viðskiptavina okkar með snjallri nýtingu á upplýsingatækni. Þó við séum sérfræðingar í tækni viljum við veita framúrskarandi þjónustu. Við hlúum að fólkinu okkar og hjálpumst að við að skapa lifandi vinnustað. Advania á Íslandi er hluti af Advania-samstæðunni sem er meðal umsvifamestu upplýsingatæknifyrirtækja á Norðurlöndum. Samstæðan er með 25 starfsstöðvar í Noregi, Svíþjóð, Danmörku, Finnlandi, Bretlandi og Íslandi. Hjá henni starfa um 3500 sérfræðingar í upplýsingatækni.

About

Verkefnastjóri rekstrarlausna

Hefur þú reynslu úr upplýsingatækni og langar að stýra spennandi hýsingar- og rekstrarverkefnum með samheldnum hóp verkefnastjóra?

Við leitum að aðila sem er jákvæður, með góða þjónustulund og sýnir frumkvæði í starfi til að slást í hóp verkefnastjóra rekstrarlausna hjá Advania. Við sinnum fjölbreyttum verkefnum með megin áherslu á hýsingu og rekstur.

Viðkomandi mun starfa í teymi verkefnastjóra rekstrarlausna þar sem mikil áhersla er lögð á samvinnu, starfsþróun og stöðugar umbætur við stjórnun verkefna.

Þekking og reynsla

Menntun sem nýtist í starfi
Reynsla af stjórnun verkefna á sviði upplýsingatækni
Framúrskarandi samskipta- og skipulagshæfni
Geta til að stjórna mörgum verkefnum samhliða á árangursríkan hátt
Jákvætt viðhorf, frumkvæði og lausnamiðuð hugsun
Vottun í verkefnastýringu er kostur

Í boði er:

Frábært starfsumhverfi þar sem skoðanir allra skipta máli og tækifæri er til þess að hafa mikil áhrif á starfsemi hópsins
Samkeppnishæf laun
Stuðningur og tækifæri til starfsþróunar
Þátttaka í fjölbreyttum verkefnum
Sveigjanlegur vinnutími
Samheldinn og góður hópur samstarfsfólks

Vinnustaðurinn Advania

Vinnustaðurinn er fjölskylduvænn, lifandi og skemmtilegur. Áherslan á að vera einn besti vinnustaður landsins kemur best fram í vinnustaðagreiningum sem hafa sýnt mikla ánægju starfsfólks um árabil. Advania hefur markað sér fjarvinnustefnu og stendur starfsfólki til boða að vinna að hluta til í fjarvinnu. Í höfuðstöðvum okkar í Guðrúnartúni er svo boðið upp á mat í glæsilegu mötuneyti, góða líkamsræktaraðstöðu og leikherbergi - bæði fyrir starfsfólk og stuttfætta gesti.

Advania hefur markað sér bæði jafnréttisstefnu og sjálfbærnistefnu. Við leggjum mikla áherslu á fjölbreytileika og jafnrétti og hlaut Advania jafnlaunavottun árið 2018 fyrst íslenskra upplýsingatæknifyrirtækja. Einnig fylgjumst við grannt með okkar kolefnisspori, aðfangakeðju og áhrifum okkar á samfélagið og setjum okkur háleit markmið um úrbætur.

Ef þú leitar að spennandi verkefnum, góðu vinnuumhverfi og hressu samstarfsfólki, þá finnurðu það hjá okkur. Gildi Advania eru snerpa, ástríða og hæfni.

Ferli ráðninga

Tekið á móti umsóknum til 4. apríl 2025
Yfirferð umsókna
Boðað í fyrstu viðtöl
Boðað í seinni viðtöl
Verkefni eða próf lögð fyrir ef við á
Öflun umsagna / meðmæla
Ákvörðun um ráðningu
Öllum umsóknum svarað

Starfsfólk mannauðssviðs ásamt deildarstjóra, forstöðumanni og framkvæmdastjóra þess sviðs sem starfið tilheyrir hafa aðgang að þeim umsóknum sem berast. Farið er með allar umsóknir sem trúnaðarmál.

Nánari upplýsingar

Nánari upplýsingar veitir Nína Þrastardóttir, deildarstjóri verkefnastýringar Rekstrarlausna, [email protected] / 4409000

Advertisement published24. March 2025

Application deadline4. April 2025

Language skills

No specific language requirements

Location

Guðrúnartún 10, 105 Reykjavík

Type of work

Professions

Job Tags

Other jobs (2)