Happdrætti Háskóla Íslands

Happdrætti Háskóla Íslands hefur tryggt uppbyggingu Háskóla Íslands í yfir 90 ára með því að afla fjár til húsbygginga, viðhalds og tækjakaupa. HHÍ er afþreyingarfyrirtæki sem rekur í dag þrenns konar peningahappdrætti: flokkahappdrætti, skyndihappdrætti (Happaþrennan) og skjávélahappdrætti (Gullnáman). Innan Happdrættis Háskóla Íslands starfar samheldinn hópur drífandi starfsmanna að því að tryggja áframhaldandi uppbyggingu Háskóla Íslands til framtíðar.

About

Verkefnastjóri í rekstri og þróun

Verkefnastjóri rekstrar og vöruþróunar ber ábyrgð á að stýra daglegri framkvæmd á rekstrar- og umbreytingaverkefnum. Hlutverkið vinnur þvert á allar deildir og leggur áherslu á verkefnastjórnun, samhæfingu og eftirfylgni og er lykilhlutverk í nýsköpun og rekstrarumbótum hjá HHÍ.

Verkefnastjóri heyrir undir sviðsstjóra rekstrar og þróunar og vinnur náið með rekstrarstjórum vöruflokka, tækniteymum og öðrum deildum og tryggir að verkefni skili áætluðum árangri á settum tíma og innan kostnaðaráætlana.

Helstu verkefni og ábyrgð

Stýra daglegri framkvæmd og innleiðingu rekstrar-, þróunar- og umbreytingaverkefna.
Skipuleggja, samræma og fylgja eftir verkefnum þvert á deildir og ábyrgðarsvið.
Leiða stefnumarkandi verkefni og vinna eftir ferlum tengdum þeim.
Leiða saman utanaðkomandi birgja og starfsfólk til árangursríkra lausna á verkefnum.
Halda utan um verkáætlanir, kostnað, tímalínur, forgangsröðun og framvindu verkefna.
Safna, greina og miðla upplýsingum til stjórnenda.
Greina áhættu, hindranir og tækifæri í framkvæmd og leggja til lausnir.
Tryggja samræmi við skilgreinda ferla og gæðakröfur.
Styðja við samvinnu innri og ytri hagsmunaaðila eftir þörfum.

Menntunar- og hæfniskröfur

Háskólamenntun úr viðskiptafræði, hagfræði, verkfræði eða tengdum greinum.
Meistaranám í verkefnastjórnun er kostur.
Að lágmarki 5 ára reynsla af verkefnastjórnun og innleiðingum úr tæknilegu umhverfi.
Skipulögð og nákvæm vinnubrögð með sterkt innsæi fyrir framkvæmd verkefna.
Færni í að vinna þvert á teymi og brúa bil ólíkra hagsmuna.
Góð greiningarhæfni og geta til að halda utan um mörg verkefni á sama tíma.
Sjálfstæð vinnubrögð, ábyrgðartilfinning og frumkvæði.
Reiprennandi íslensku- og enskukunnátta er skilyrði.
Frábær samskiptahæfni, bæði skrifleg og munnleg.