Verkefnastjóri á sviði mannauðsmála

Háskólinn í Reykjavík leitar að metnaðarfullum einstaklingi í starf verkefnastjóra á sviði mannauðsmála með áherslu á þjónustu og móttöku við erlent starfsfólk og jafnréttismál. Starfið er bæði fjölbreytt og spennandi fyrir aðila sem er sífellt til í að þróast og takast á við nýjar áskoranir. Starfið er 100% og er hluti af mannauðsteymi HR.

Verkefni

• Umsýsla dvalar- og atvinnuleyfa við erlent starfsfólk
• Móttaka og þjónusta við erlent starfsfólk
• Sinna stöðu jafnréttisfulltrúa HR í jafnréttisnefnd,
  • Fundaritari jafnréttisnefndar og tengiliður ásamt formanni nefndarinnar við aðila innan og utan HR
  • Taka þátt í að framfylgja jafnréttisáætlun, skipulagningu á jafnréttisviðburðum og samstarfi um jafnréttismál
• Þátttaka í daglegum mannauðsmálum í nánu samstarfi við mannauðsteymið
• Þátttaka í þróun ferla og umbóta á sviði mannauðsmála
• Önnur tilfallandi verkefni á sviði mannauðsmála

Hæfni

• Háskólamenntun sem nýtist í starfi, kostur ef á sviði mannauðsmála, lögfræði, sálfræði eða viðskiptagreina
• Reynsla af mannauðsmálum
• Áhugi á jafnréttismálum
• Reynsla af vinnu með dvalar- og atvinnuleyfi er kostur
• Þekking og hæfni við meðferð trúnaðarupplýsinga
• Jákvæðni, þjónustulund og framúrskarandi hæfni í mannlegum samskiptum
• Hæfni til að geta unnið sjálfstætt sem og í teymi
• Frumkvæði, fagmennska og öguð vinnubrögð
• Gott vald á íslensku og ensku, jafnt töluðu sem rituðu máli

Með umsókn skal fylgja ferilskrá og kynningarbréf. Nánari upplýsingar veitir Ester Gústavsdóttir, mannauðsstjóri ([email protected]). Umsóknum skal skilað á vef Háskólans í Reykjavík. Farið er með allar fyrirspurnir og umsóknir sem trúnaðarmál.

Umsóknarfrestur er til og með 1. mars 2026.