Verkefnafulltrúi í skaðaminnkandi verkefnum - Frú Ragnheiður

Verkefnafulltrúi í skaðaminnkandi verkefnum – Frú Ragnheiður (Framtíðarstarf, þarf að hefja störf sem fyrst)

Viltu vinna mikilvægt og gefandi starf sem hefur bein áhrif á líf fólks í viðkvæmri stöðu?
Rauði krossinn á höfuðborgarsvæðinu leitar að duglegum og samviskusömum einstaklingi í framtíðarstarf sem verkefnafulltrúi í Frú Ragnheiði, með mögulegri aðstoð í Ylju.

Viðkomandi þarf að geta hafið störf sem fyrst og mun starfa í öflugu teymi sem vinnur að því að veita skaðaminnkandi þjónustu á vettvangi.

Hvað er Frú Ragnheiður?

Frú Ragnheiður er færanlegt skaðaminnkunarúrræði sem hefur það að markmiði að koma í veg fyrir ótímabær dauðsföll og óafturkræfan skaða sem og að auka lífsgæði og bæta heilsufar einstaklinga sem nota vímuefni í æð. Þjónustan er lágþröskulda og veitt í nærumhverfi einstaklinga með sérútbúnum bíl, þar sem boðið er upp á lágþröskulda heilbrigðisþjónustu, skaðaminnkandi þjónustu og sálfélagslegan stuðning.

Hvað er Ylja?

Viðkomandi gæti einnig veitt aðstoð í Ylju, fyrsta neyslurýminu á Íslandi. Neyslurými er lagalega verndað umhverfi þar sem notendur 18 ára og eldri geta notað vímefni í æð og reykt ópíóíða og/eða örvandi efni undir eftirliti sérhæfðs starfsfólks og með fyllstu hreinlætis-, öryggis- og sýkingavörnum. Neyslurými hafa sýnt fram á mikinn samfélagslegan ávinning og bætt heilsu einstaklinga sem nota vímuefni.

Helstu verkefni og ábyrgð:

• Stuðningur og eftirfylgd með sjálfboðaliðum og skipulag vakta fyrir sjálfboðaliða í Frú Ragnheiði
• Umsjón með daglegri starfsemi Frú Ragnheiðar
• Samskipti og sálfélagslegur stuðningur við þjónustuþega
• Fræðsla, kynning og þjálfun nýrra sjálfboðaliða
• Skráning og greining gagna fyrir mælikvarða og skýrslugerð
• Beita hugmyndafræði skaðaminnkunar í allri vinnu og þjónustu við þjónustuþega
• Möguleg aðstoð í Ylju eftir þörfum
• Önnur tilfallandi verkefni

Hæfniskröfur og eiginleikar sem við leitum að:

• Menntun sem nýtist í starfi (t.d. félagsvísindi, félagsráðgjöf, geðheilbrigði) er kostur
• Þekking eða reynsla af skaðaminnkun, félagslegum úrræðum eða heilbrigðisþjónustu er kostur
• Góð samskiptahæfni, jákvætt hugarfar og frumkvæði
• Skipulagshæfni og reynsla af verkefnastjórnun er kostur
• Hæfni til að vinna bæði sjálfstætt og í teymi
• Mjög góð íslensku- og enskukunnátta, önnur tungumál eru kostur

Hvað býður Rauði krossinn upp á?

💪 Hreyfimínútur – Því vellíðan skiptir máli
🚴 Samgöngustyrkur – Stuðningur við vistvænar samgöngur
🏋️ Líkamsræktarstyrkur – Heilsueflandi stuðningur
📱 Farsímastyrkur – Til að auðvelda samskipti

📅 Umsóknarfrestur: Umsóknir eru yfirfarnar jafnóðum – viðkomandi þarf að hefja störf sem fyrst
📍 Um er að ræða framtíðarstarf

Við hvetjum fólk af öllum kynjum til að sækja um.
Aðeins er tekið á móti umsóknum í gegnum Alfreð – við förum yfir umsóknir jafnóðum og þær berast.

📩 Nánari upplýsingar:
Ósk Sigurðardóttir, deildarstjóri
✉️ [email protected]