Vélstjóri

Við leitum að vélstjóra í framtíðarstarf í viðhaldsdeild félagsins. Starfstöðin er á Laxabraut í Þorlákshöfn.

Á næstu mánuðum og árum er mikið framundan hjá First Water. Á svæðinu á sér stað mikil uppbygging og samhliða henni fer fram uppsetning og gangsetning á búnaði, auk viðhalds á þeim kerfum sem þegar eru komin í rekstur. Um er að ræða fjölbreyttan búnað; ýmsar gerðir af dælum, varaaflsvélar, síubúnað, margvíslega skynjara og annan rafbúnað. Meðal verkefna eru umsjón og eftirlit með búnaði stöðvarinnar ásamt uppsetningu og gangsetningu á búnaði.

Um er að ræða frábært tækifæri til að taka þátt í spennandi verkefni þar sem verkefnin eru bæði fjölbreytt og áhugaverð. Mikil tækifæri til að þróast í starfi og bæta við þekkingu.

First Water leggur áherslu á faglega viðhaldssjórnun og kemur viðkomandi til með að fá tækifæri til að taka þátt í þróun og uppbyggingu á viðhaldsstjórnunarkerfi.

Í fiskeldisstöð félagsins er margvíslegur véla- og tæknibúnaður sem krefst viðhalds og þjónustu.

Helstu verkefni og ábyrgð

• Umsjón, prófanir og reglulegar gangsetningar á varaaflsvélum
• Fyrirbyggjandi viðhald á búnaði stöðvarinnar, þ.m.t. borholudælum, fiskflutningsdælum o.fl.
• Þátttaka í gangsetningum á fjölbreyttum búnaði og kerfum
• Vinna við þróun og uppbyggingu á viðhaldsstjórnunarkerfi

Menntunar og hæfniskröfur

• Vélstjórnarréttindi
• Skipulögð, sjálfstæð og öguð vinnubrögð
• Frumkvæði í starfi og umbótahugsun
• Reynsla af viðhaldsstjórnunarkerfum æskileg

Nánari upplýsingar veitir Árni Viggó Sigurjónsson, viðhaldsstjóri, [email protected]

Umsóknafrestur er til og með 9. mars

First Water er framsækið íslenskt nýsköpunarfyrirtæki sem vinnur að uppbyggingu laxeldis á landi, og nýtir til þess náttúruauðlindir Íslands á sjálfbæran hátt. Lykillinn að velgengni félagsins mun liggja í mannauði þess og leggur félagið því ríka áherslu á öflugan hóp reynslumikils og drífandi starfsfólks.