Þjónustu- og upplifunarstjóri Krónunnar

Krónan leitar að jákvæðum og kraftmiklum starfsmanni til að byggja upp og leiða þjónustuupplifun viðskiptavina Krónunnar.

Starfið felur í sér að innleiða verkferla þjónustuvers Krónunnar, skapa heildstæða upplifun fyrir viðskiptavini, bera ábyrgð á samræmdum lausnum verkefna og veita viðskiptavinum framúrskarandi þjónustu. Jafnframt mun starfsmaðurinn leiða innleiðingu á CRM kerfi.

Við leitum að einstaklingi sem brennur fyrir þjónustu og upplifun viðskiptavina, býr yfir sjálfsöryggi og hæfni til að fylgja verkum til fullnustu og getur hafið störf sem fyrst. Í boði er 70-100% starfshlutfall.