Tengiliður farsældar, verkefnastjóri móttöku, kennari
Starf tengiliðar farsældar, verkefnastjóra móttöku og kennara/sérkennara er laust til umsóknar. Um tímabundna ráðningu er að ræða. Starfið er laust nú þegar.
Austurbæjarskóli auglýsir eftir starfsmanni til að sinna starfi tengiliðar og verkefnastjóra móttöku (25%) og kennslu (75%). Um tímabundna ráðningu er að ræða. Hlutverk tengiliðar er að veita upplýsingar um þjónustu í þágu farsældar barns, skipuleggja og fylgja eftir samþættingu fyrsta þjónustustigsins, koma upplýsingum til miðstöðvar skólahverfis um þörf fyrir tilnefningu málstjóra þjónustu í þágu farsældar barns og taka þátt í stuðningsteymi eftir því sem við á. Verkefnastjóri móttöku vinnur samkvæmt móttökuáætlun Austurbæjarskóla og Velkomin verkefninu.
Austurbæjarskóli er rótgróinn skóli í miðbæ Reykjavíkur. Í skólanum eru rúmlega 350 nemendur í 1.-10. bekk og um 70 starfsmenn. Í Austurbæjarskóla er lögð áhersla á fjölbreytta kennsluhætti, leiðsagnarnám, samvinnu auk þess sem list- og verkgreinar skipa stóran sess í skólastarfinu. Lögð er áhersla á vinsamleg samskipti og vellíðan nemenda og starfsmanna. Í skólanum er öflugt foreldrafélag og er samvinna við foreldra og nærsamfélag gott.
Vakin er athygli á stefnu Reykjavíkurborgar um jafnan hlut kynja í störfum og að vinnustaðir endurspegli það margbreytilega samfélag sem borgin er.
- Að skipuleggja og fylgja eftir samþættingu og stuðningi við nemendur á fyrsta þjónustustiginu
- Koma upplýsingum til miðstöðvar skólahverfis um þörf fyrir tilnefningu málstjóra þjónustu í þágu farsældar barns og taka þátt í stuðningsteymi eftir því sem við á
- Vinna að þróun skólastarfs með stjórnendum og samstarfsmönnum
- Eiga í góðu samstarfi við foreldra
- Stuðla að velferð nemenda í samstarfi við foreldra og annað fagfólk.
- Kennaramenntun og leyfisbréf kennara.
- Menntun, reynsla og hæfni til að sinna kennslu nemenda með fjölbreyttar þarfir og starfa með börnum.
- Lipurð í samskiptum og sveigjanleiki í starfi.
- Faglegur metnaður og frumkvæði í starfi.
- Áhugi á að starfa í skapandi og metnaðarfullu umhverfi.
- Góð íslenskukunnátta.
Icelandic
