Tækniteiknun - skráning og úrvinnsla gagna

Geoform leitar að jákvæðum og framtakssömum starfsmanni í stöðu tækniteiknara hjá tæknilega sinnuðu og framtíðarþenkjandi fyrirtæki í mikilli sókn. Geoform starfar á sviði upplýsingatækni, gagnaöflunar og úrvinnslu gagna. Fyrirtækið sinnir fjölbreyttri tækniráðgjöf og þjónustu á sviði landupplýsinga fyrir sveitarfélög, veitufyrirtæki, stofnanir og einstaklinga.

Sem tækniteiknari, munt þú sinna fjölbreyttum verkefnum á sviði tækniteiknunar, skráningar, úrvinnslu og innfærslu gagna t.d. á sviði rafveitu, götulýsingar, hitaveitu, vatnsveitu, fráveitu, landskipta ásamt ýmsum öðrum fjölbreyttum og tilfallandi verkefnum.

Þú munt vinna með fagaðilum bæði innanhúss sem utan í jákvæðu og metnaðarfullu umhverfi. Starfsstöðvar eru á höfuðborgarsvæðinu og möguleiki á að vinna að hluta í fjarvinnu eða eftir samkomulagi.

Hafir þú áhuga á að móta framtíðina með okkur á sviði, landupplýsinga (GIS), hönnunar, tækniteiknunar, innfærslu og upplýsingatækni þá endilega sendu okkur umsókn.

Við leitum að einstaklingi sem er jákvæður, framsýnn, tæknilega sinnaður, umbótaþenkjandi og þjónustulundaður.