Sumarstarf á skrifstofu, í kirkju og bálstofu
Kirkjugarðar Reykjavíkur leita að metnaðarfullum, jákvæðum og þjónustulunduðum starfskrafti í sumarafleysingar á skrifstofu, í kirkju og bálstofu.
Starfið felst meðal annars í símsvörun, móttöku, skjalavinnslu og öðrum almennum skrifstofustörfum ásamt umsjón með athafnarýmum og líkhúsi og afleysingu og aðstoð í bálstofu.
Viðkomandi þarf því að hafa hlýlegt viðmót, sýna framúrskarandi samskiptahæfni og nærgætni í mannlegum samskiptum.
Viðkomandi þarf að vera vandvirkur og nákvæmur og sýna frumkvæði og metnað í starfi.
Um sumarstarf er að ræða frá maí/júní og fram í ágúst.
- Símsvörun og móttaka
- Skjalavinnsla og önnur almenn skrifstofustörf
- Umsjón með athafnarýmum og líkhúsi
- Umsjón og afhending duftkerja
- Afleysing og aðstoð í bálstofu
- Samskipti við útfararstofur, aðstandendur og aðra hagsmunaaðila
- Önnur tilfallandi störf
- Framúrskarandi hæfni í mannlegum samskiptum
- Vandvirkni
- Nákvæmni
- Frumkvæði
Kirkjugarðar Reykjavíkur er lifandi og skemmtilegur vinnustaður þar sem um 30 starfsmenn starfa. Fyrirtækið er í stefnumótunarferli og því er tækifæri til að hafa áhrif á uppbyggingu og menningu fyrirtækisins.
Framtíðarsýn Kirkjugarða Reykjavíkur er að vera garður allra þeirra sem vilja kyrrð og ró í umhverfi sem einkennist af hlýju, umhyggju og kærleika. Kirkjugarðar Reykjavíkur hafa opinn faðm gagnvart öllum þeim sem vilja kveðja ástvini sína og varðveita minningar.
Gildi Kirkjugarða Reykjavíkur leggja grunn að góðri menningu innan garðanna, styðja við ákvaðanatöku, skapa samheldni meðal starfsfólks og byggja upp traust út í samfélaginu.
Gildin okkar eru VIRÐING - UMHYGGJA - FAGMENNSKA - LIÐSHEILD
Heimasíða Kirkjugarða Reykjavíkur er: https://www.kirkjugardar.is/
Nánari upplýsingar um starfið veitir Sólveig Halldórsdóttir sviðsstjóri fjármála og mannauðs hjá Kirkjugörðum Reykjavíkur solveig@kirkjugardar.is
Umsóknarfrestur er til og með 25. mars 2025
Öllum umsóknum verður svarað og farið með þær sem trúnaðarmál.
Icelandic
