Stuðningsfulltrúi í Kópavogsskóla

Kópavogsskóli auglýsir eftir öflugum stuðningsfulltrúa fyrir skólaárið 2025 - 2026 í
70% - 75% starfshlutfall. Möguleiki er á 100 % starfi sem stuðningfulltrúi og frístundarleiðbeinandi.

Kópavogsskóli er skóli í hjarta Kópavogsbæjar með rúmlega 400 nemendur. Starfsmannahópurinn einkennist af fjölbreyttri þekkingu, ólíkum hæfileikum og mikilli reynslu í bland við fersk viðhorf en þannig sköpum við sterkt teymi sem leysir saman margvísleg og krefjandi verkefni vel af hendi.

Stuðningsfulltrúi aðstoðar nemendur náms- og félagslega með það að markmiði að auka færni þeirra og sjálfstæði. Stuðningsfulltrúar gegna mikilvægu hlutverki sem fyrirmyndir og þurfa að geta lesið í aðstæður og brugðist við með viðeigandi hætti. Í starfi stuðningsfulltrúa er einum nemanda ýmist fylgt eftir eða farið á milli bekkja og fleiri nemendum sinnt. Sem stuðningsfulltrúi vinnur þú í nánu samstarfi við kennara, sérkennara og deildarstjóra.

Einkennisorð skólans eru vinátta, virðing, vellíðan. Góður starfsandi er í skólanum.

Upplýsingar um Kópavogsskóla og skólastarfið er að finna á www.kopavogsskoli.is.