Hjallastefnan

Hjallastefnan er kærleiksmiðuð og skapandi lýðræðisstefna. Hjallastefnan rekur í dag 14 leikskóla og þrjá grunnskóla. Drifkrafturinn í rekstri Hjallastefnunnar er sú skólahugsjón sem allt starf Hjallastefnunnar byggir á. Starfsfólk fyrirtækisins trúir því staðfastlega að starf þeirra skipti miklu máli og að það eigi með vinnu sinni þátt í því að skapa betri framtíð fyrir börn þessa lands. Jafnréttisuppeldi, jákvæðni, agi, skapandi hugsun, félagsþjálfun og einstaklingsstyrking eru innviðir í námskrá Hjallastefunnar sem við teljum að geti skipt sköpum í þroska þeirra einstaklinga sem okkur er treyst fyrir. Einnig er trú okkar að öflugt fyrirtæki í sjálfstæðum skólarekstri geti skapað nýjungar og unnið að tilraunaverkefnum sem veiti hinu opinbera kerfi nauðsynlegt og tímabært aðhald í því að efla fagstarf sitt og þjónustu – öllum börnum til hagsbóta. Skólar Hjallastefnunnar starfa sjálfstætt undir stjórn síns leik- eða grunnskólastjóra sem hefur yfirumsjón með og ber ábyrgð á daglegum rekstri skólans. Þannig hefur hver skóli sitt eigið andrúmsloft og sína eigin menningu en allir starfa þeir þó að sameiginlegu markmiði og eftir sömu námskrá sem liggur til grundvallar öllum þáttum fagstarfsins.

About

Starfskraftur í frístund/skilavakt/stuðningur í Barnskóla Hjallastefnunnar í Garðabæ

Erum við að leita að þér?

Barnaskóli Hjallastefnunnar í Garðabæ auglýsir eftir starfsfólki í síðdegis barnastarf í frístund og eða skilavakt á 5 ára kjörnum og eða stuðningur við börn með sérþarfir. Kjörið með námi og alltaf frí um helgar :)

Starfshlutfall getur verið sveigjanlegt og eftir samkomulagi, allt frá 40% - 100%.

Stuðningur helst 100% starf.

Starf í frístund og eða skilavakt á 5 ára kjörnum er kjörið fyrir skólafólk sem getur þá mætt frá kl.14.00 /14.30/15.00 eftir samkomulagi. Einnig er möguleiki á að vera nokkra daga í viku í lægra starfshlutfalli/tímavinnu með skóla.

Um er að ræða störf skólaárið 2025-2026 frá ágúst.

Við leitum að jákvæðu og lífsglöðu starfsfólki sem er tilbúið að tileinka sér starfshætti Hjallastefnunnar af gleði og kærleika. Viðkomandi þarf að sýna sjálfstæði í vinnubrögðum og hafa áhuga á jafnrétti og lýðræði í skólastarfi. Við hvetjum öll kyn til að sækja um starf við skólann.

Barnaskóli Hjallastefnunnar í Garðabæ er í einstaklega fallegu og skemmtilegu umhverfi þar sem ósnortin náttúran er allt umlykjandi. Skólann sækja börn á aldrinum 5-9 ára. Jafnréttisuppeldi, skapandi hugsun, félagsþjálfun og einstaklingsstyrking eru innviðir hugmyndafræðinnar sem við teljum að geti skipt sköpum í þroska komandi kynslóða.

Helstu verkefni og ábyrgð

Starfa eftir stefnu skólans, samkvæmt aðalnámskrá, skólanámskrá og kynjanámskrá Hjallastefnunnar
Stuðla að velferð barna í samstarfi við foreldra og annað fagfólk

Menntunar- og hæfniskröfur