Starf á rannsóknarstofu
Laust er til umsóknar starf á rannsóknarstofu Arctic Therapeutics. Um er að ræða fasta stöðu í fjölbreyttu og krefjandi starfsumhverfi þar sem verkefnin eru margbreytileg og veita svigrúm til að nýta nám og reynslu til fulls.
Arctic Therapeutics (AT) er líftækni- og lyfjaþróunarfyrirtæki með rannsóknarstofur staðsettar á Akureyri. Hjá AT starfa u.þ.b. 15 manns með breiðan bakgrunn og vinna saman að rannsóknum í lyfjaþróun. Rannsóknarstofan starfar undir ISO15189 staðli sem klínísk rannsóknarstofa og er lögð áhersla á virka þátttöku starfsmanna til að uppfylla þær gæðakröfur sem gerðar eru í þeim staðli. Arctic Therapeutics framkvæmir margvíslegar aðferðir á rannsóknarstofunni, líkt og raðgreiningu á erfðaefni og rannsóknir á próteinum með ýmsum aðferðum.
Við viljum ráða sjálfstæðan og skipulagðan einstakling með góða samskiptahæfni og sem á auðvelt með að vinna í teymi. Æskilegt starfshlutfall er 100% og unnið er í dagvinnu.
Ráðið er í starfið um áramót eða samkvæmt samkomulagi. Umsóknum skal fylgja ferilskrá og kynningarbréf þar sem gerð er grein fyrir ástæðu umsóknar og rökstuðningur um hæfni viðkomandi til að gegna starfinu.
- Greining lífsýna á rannsóknarstofu.
- Gæðatengd verkefni.
- Þátttaka í innleiðingu og þróun nýrra verkferla.
- Háskólamenntun í lífvísindum eða öðrum greinum sem nýtast í starfi er nauðsynleg.
- 3 ára reynsla af sambærilegu starfi er kostur.
- Góð almenn tölvuþekking og þekking á úrvinnslu gagna líkt og líftölfræði er kostur.
- Þekking á ISO stöðlum og ytri úttektum er kostur.
- Góð íslensku- og enskukunnátta í ræðu og riti.
- Sjálfstæð og skipulögð vinnubrögð.
- Frumkvæði og metnaður.
- Niðurgreiddur hádegismatur.
- Góður starfsandi og líflegt starfsumhverfi.
- Öflugt starfsmannafélag.
- Sveigjanlegur vinnutími.
Icelandic
English
