Sölusérfræðingur - Advise ehf.

Advise er íslenskt hugbúnaðarfyrirtæki í vexti. Við leitum að öflugum og sjálfstæðum sölusérfræðingi sem hefur gaman af mannlegum samskiptum, sér tækifæri og fylgir málum vel eftir.

Um starfið

Starfið felst í að hafa samband við nýja viðskiptavini, bóka fundi, kynna lausnina okkar og fylgja sölum áfram þar til samningar nást. Þú munt vinna með fyrirtækjum sem vilja fá betri yfirsýn yfir reksturinn sinn og einfaldari leið til að lesa úr sínum fjárhagsupplýsingum.

Advise hefur þróað hugbúnað sem hjálpar fyrirtækjum að setja fjárhagsupplýsingar fram á skýran og aðgengilegan hátt. Lausnin nýtist stjórnendum og öðrum sem þurfa að fylgjast með rekstri, bera saman tölur og taka upplýstar ákvarðanir. Í starfinu felst því að skilja þarfir viðskiptavina og sýna þeim hvernig lausnin getur nýst í þeirra daglega rekstri.