RÚV Sala er dótturfélag RÚV ohf. og sér um rekstur auglýsingadeildar, sölu á efni í eigu RÚV innanlands og erlendis og aðra tekjuöflun. RÚV er krefjandi og skemmtilegur vinnustaður þar sem þekking starfsfólks er grunnurinn að árangri okkar. Lögð er áhersla á að byggja upp hæfni og mannauð og aukin tæknifærni er lykilatriði fyrir fjölbreyttari miðlun. RÚV starfar í almannaþágu og hefur það hlutverk að vekja, virkja og efla. Öflugt og samhent starfsfólk skoðar samfélagið með gagnrýnum hætti, segir mikilvægar sögur og þróar nýjar leiðir til miðlunar. RÚV sækist eftir fjölhæfu starfsfólki með fjölbreyttan bakgrunn sem er tilbúið til að vinna með okkur eftir metnaðarfullri stefnu RÚV til ársins 2021.