Smíðakennari - Hraunvallaskóli

Hraunvallaskóli auglýsir eftir grunnskólakennara til að sinna kennslu í hönnun og smíði skólaárið 2026-2027

Skólinn hefur þá sérstöðu að innan veggja hans er rekinn bæði leik- og grunnskóli. Segja má að nemendur hefji skólagöngu sína átján mánaða í Hraunvallaskóla og ljúki henni við sextán ára aldur. Hraunvallaskóli starfar eftir hugmyndafræði opna skólans og er byggingin hönnuð með það í huga. Kennsla er miðuð við að mæta ólíkum þörfum einstaklinga sem læra að skipuleggja nám sitt sjálfir og meta árangur sinn. Kennarar vinna saman í teymum í kennslustundum og við skipulagningu og undirbúning kennslunnar. Nemendur í sama árgangi eru í sameiginlegum umsjónarhópum með sameiginlega umsjónarkennara á sínum heimasvæðum. Dyggðir Hraunvallaskóla eru vinátta – samvinna – ábyrgð.

Helstu verkefni og ábyrgð:

• Annast kennslu í hönnun og smíði í samráði samkennara, skólastjórnendur og foreldra
• Stuðlar að velferð nemenda í samstarfi við foreldra og fagfólk skólans
• Vinnur að þróun skólastarfs í samstarfi við stjórnendur og samstarfsfólk
• Vinnur eftir SMT skólafærni sem ætlað er að skapa gott andrúmsloft í skólum og tryggja öryggi og velferð nemenda og starfsfólks
• Skýr skuldbinding gagnvart stefnu og áherslum skólans
• Önnur verkefni skv. starfslýsingu

Menntunar- og hæfniskröfur:

• Leyfisbréf til kennslu (leyfisbréf fylgi umsókn)
• Reynsla af kennslu æskileg
• Áhugi á að starfa með börnum og ungmennum
• Lipurð í samskiptum, sveigjanleiki og samstarfshæfni
• Frumkvæði og sjálfstæði í vinnubrögðum
• Jákvæðni og áhugi á að starfa í skapandi og metnaðarfullu umhverfi
• Stundvísi og samviskusemi
• Góð íslenskukunnátta. Miðað er við hæfniviðmið C1 samkvæmt viðmiðum Evrópska tungumálarammans.

Starfshlutfall er 50-100% og gert er ráð fyrir að starfsmaður hefji störf 1. ágúst 2026

Skilyrði við ráðningu er að viðkomandi hafi hreint sakavottorð.

Nánari upplýsingar um starfið veitir Lars J. Imsland skólastjóri, [email protected], Aðalbjörg Sigurðardóttir aðstoðarskólastjóri [email protected] eða í síma 590 2800

Laun eru samkvæmt kjarasamningi Sambands íslenskra sveitarfélaga og KÍ.

Umsóknarfrestur er framlengdur til 11. júní 2026

Vakin er athygli á stefnu Hafnarfjarðarbæjar að jafna hlutfall kynjanna í störfum hjá bænum og að vinnustaðir bæjarins endurspegli fjölbreytileika samfélagins.