Sjálandsskóli óskar eftir umsjónarkennara á miðstig

Sjálandsskóli óskar eftir að ráða umsjónarkennara á miðstig í fullt starf. Upphafsdagsetning ráðningar er samkomulag en eigi síðar en 1. janúar 2026.
Sjálandsskóli er heildstæður grunnskóli fyrir nemendur í 1.-10. bekk og er staðsettur í Garðabæ. Í skólanum eru 270 nemendur og starfsmenn eru um 60. Í Sjálandsskóla ríkir góður starfsandi þar sem allir starfsmenn vinna saman að því að byggja upp skólastarf sem einkennist af vilja og virðingu og hafa hag nemenda að leiðarljósi. Aðstaða nemenda og starfsfólks er til fyrirmyndar. Leitað er eftir einstaklingi sem er tilbúinn að starfa að sveigjanlegu skólastarfi í teymisvinnu og samkvæmt skólastefnu Sjálandsskóla.